IIMU/UUNGW 38:2 - Biblía Axweesantá Hhohho' ar Mungú 2004

² Didaádae Yuda dasír Shua, heé yaamaá Kana'ani ngiwa ár, gana slaá' gari duúx.

IIMU/UUNGW 38:2 Iomraidhean Croise

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

IIMU/UUNGW 28:1

Naagáy Isaka Yakobo guri ateét, gway tsuúq, guri báy, «/Ameenír múk Kana'ani ma duuxaar.

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

IIMU/UUNGW 34:2

Shekemu garmoó Hamori, oo múk Hifi, heé úr oo yaamuudá', Dina ngiwa ár, gari óh ar /uuru, tari alqaát nee inós, gari dasu'uuma hhitín.

IIMU/UUNGW 46:12

Daaqoó Yuda a Eri, nee Onani, nee Shela, nee Perisi nee Sera. Ala Eri nee Onani niri qatliyé' baraá yaamaá Kana'ani. Daaqoó Perisi a Hesroni nee Hamuli.

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

IIMU/UUNGW 6:4

De'emudaádae múk ló'wa tlét i deer baraá yaamuwo. Nee tam aluuwo sleeme i deer. Mukwí an xwaylár daaqoó Mungú nee dasú muu. Inooín a pihhuuseedár aáng, nee a múk xirfuú koóm.

2 SAMUELI 11:2

Loarka wake, qoomár tsiindowo, Daudi ina qatuú wá tláy, iri tsa/án gawaá daanduú doó waawutmo. Qoomár iwa gawaá geehhoudá' wa hi'iimiti, /ameenír wák gana ár i hamtliín /ameenír tsataari hho', hhohh'ariro ila' gin hayót.

1 QOM'I 2:3

Daaqoó Yuda kudá' Bat-shua, tidár xoorór Ka'ani aa laqwál a kwí tám: Eri, nee Onani nee Shela. Eri garmoó baris oo Yuda a tlakusmo dír ilaá AAKOÓ MUNGUHE. Inós kway gaás nee AAKOÓ MUNGÚ.

FAARO 26:19

Daaqoó Yuda a Eri nee Onani. Inooín nina qatliyé' baraá yaamaá Kana'ani.

2 korinto 6:14

Kuungá' mutunduwa altsegiít baraá taaqwantá wák dinkwa nee mukdá' aa haratlintii'iiká, as tawa gadiyusa' dinkwa nee inooín. Asma adoorí i ya/aandaaká. Asma gan'amu nee dee/aanu adór tir slaya' a adoomá? Slám gwa/aateema nee giwti adór tir slaya' a adoomá?

HAR'OHUUSE 14:2

Aluuwo iri waátl amór doó baabuúwós, iwa hardáh xwayliiteerós gari báy, «Aníng amorqár Timnaro dasirkár múk Filisti aga ár, a duuxór wa slaá'.»

HAR'OHUUSE 16:1

Looarka wake Samson ina tláy ay gixsár Gasa, amoodár Gasaro /ameenír tsaatuso'o gari sláy, nee inós tari alqaát.