IIMU/UUNGW 37:36 - Biblía Axweesantá Hhohho' ar Mungú 2004

³⁶ Ala mukduú yaamaá Midiani oo Yosefu gwaa tlaaxw kuna weeriís baraá yaamaá Misri, kuri tlaáxw nee heeko ta babay Potifa. Inós a geeraharusmoó úr oo askaárír Farao, waawutmoó yaamaá Misri.

IIMU/UUNGW 37:36 Iomraidhean Croise

IIMU/UUNGW 37:28

Muko oo yaamaá Midiani oo múk tlaxuúm iwa waaraahhi, Yosefu kuri duúx baraá hhalaango, kuri weeriís dír múk Ishmaeli, ar shekeéli mibeeraá tsár. Inooín Yosefu kuri huúw ay yaamaá Misri.

IIMU/UUNGW 40:3

Inooín tsaraawo gina dahaás baraá doó tseegmo, kuduú baraá doó xuumusmoodá' úr, didá' Yosefu kway tseék sleeme.

IIMU/UUNGW 40:4

Heé úr oo askaári mukdá' guri didár Yosefu i qaás. Yosefu inooín giri sagadiyuús, nee inooín tana hoót didá' wa alé deelór hhaawaakahe baraá doó tseegmuú wa alé.

IIMU/UUNGW 41:12

Garmoó wák oo tlahhoó Ebrania, sagadiyusmoó geeraharusmoó úr oo askaárír waawutmoó xuum, nee atén tina altsegiít. Atén kuwa tlataaréní alki/iitaán, inós tlataarén ngina waagweér, umuú heewo ar adór tlataawós i dirii'iya'.

2 WAAWITÁ 25:8

Bál slahhángw kooán tawa faanqw kurkú mibaá nee gwaleél oo waawuti'iimár Nebukadnesa waawutmoó Babuloni Nebusaradani geeraharusmoó úr oo slaqwaruusér waawutmo, ina dáh baraá yaamaá Yerusalemu.

ESTA 1:10

Bál faanqwe waawutmo muunaáwós iwa qwalaá/ as difaái ngiwa xuúf, mukdá' faanqw taa karmuumúy, kudá' gu sagadiyumamiís, guri ateét. Mukwí an ín Mehumani nee Bista nee Harbona nee Bigta nee Abagta nee Setari nee Karkasi.

WARA'AMI 105:17

Ala heeko guna geerií ya/aáw, Yosefu, kudá' taa weeriís baraá lawaali'iima.

ISAYA 56:3

Dahaaymoó anuú AAKOÓ MUNGÚ i xuú' miwa oó', «AAKOÓ MUNGÚ aníng iga paraátl dír mukose.» Heé taa karmúy miwa oó', «Ga/aaweek, aníng a xa'anoó aa kah.»

YEREMIA 39:9

Naagáy Nebusaradani geeraharusmoó xuumuuse mukdá' sleémeero aa meet baraá gixsár Yerusalemu guri huúw baraá yaamaá Babuloni, nee kudá' sleémeero naa amoorós i haragwaaiye' dinkwa nee kudá' sleémeero naa meetiye'.

DANIELI 2:14

Naagáy Danieli Ariokoduú geeraharusmoó xuumuusér waawutmo guri i axweés ar sagalooa nee fur'ár tsa', asma inós kunguna ya/aáw múk sageeloén sleémeero oo yaamaá Babuloni nguwa tsu/i.