IIMU/UUNGW 37:34 - Biblía Axweesantá Hhohho' ar Mungú 2004

³⁴ Yakobo tlabaawós giri feehhamiís, guniyadu giri tsiít, iri tsuunqumiís, garmaawós kudá' guri al/aa/amín deelór yaariire.

IIMU/UUNGW 37:34 Iomraidhean Croise

IIMU/UUNGW 37:29

Reubeni iwa kií/ amór hhalaangw, laatí Yosefu i kaahh baraá hhalaango. Inós tlabaawós giri feehhamiís as gurhaami.

IIMU/UUNGW 42:38

Yakobo iri oó', «Garmaaeé' nee kuungá' a al/eta'aaká. Asma daa'awmoowós ina gwaá', inós kilós ina meét. Aníng a aakoó al/awtantá koóm. Loohiro bar gitsee/aá tlaakwá' ngaa sláy, gám daqaní aníng iga gasé' ar gurhaami baraá diimay'eene.»

IIMU/UUNGW 44:13

Tlabaaín kiri feehhamiís gurhaamiro, huwaaín kiri tsa/aás gawaá daqwaaye, tari kií/ baraá gixsár i alé.

2 SAMUELI 1:11

Daudi tlabaawós giri óh, giri feehhamiís. Mukdá' nee inós dinkwa tlabaaín sleeme ngiri feehhamisiyé'.

2 SAMUELI 3:31

Waawutmo Daudi Yoabu nee mukdá' sleémeero dinkwaárií diriiá', giri ádbáy, tlabaaín kiwa feehhamiisi, tlabaá guniyadu kiwa tsiiti, ta tsuunqumiisi as gwa'arár Abneri. Qoomár kuwa foolár ay, waawutmo ina alaá tuuaadá' wa eeharín.

1 WAAWITÁ 20:31

Sagadiyuuseerós guri beér, «Atén aga axaasaán adór waawituú múk Israeli ir gurtleemuú kón. Gimáy atén ti pa/aángwí hanis oo guniyadu kiwa siinootaan, nee hhutleemi kiwa tseegaan gawaá isoorén, daqaní atén waawutmoó Israeli un i daqawán, doóqa daqaní kuúng a tu/út.»

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

2 WAAWITÁ 19:1

Qoomár waawutmo Hesekia tí ngiwa axaás, tlabaawós gina feehhamiís, nee guniyadu giri tsiít, iri dáh baraá doó AAKOÓ MUNGÚ.

2 WAAWITÁ 2:12

Elisha adoorí ngiwa ár iri /aá/ iwa kaahi, «Baabuúeé', baabuúeé', gaardaá faras i uuruxun nee mukdá' faras gwaa i tsa/an.» Naagáy Elisha Eliya gway ártí ki/iiká. Elisha tlabaawós giri óh, giri feehhamiís kaeemo tsár.

2 WAAWITÁ 22:11

Qoomár waawutmo kangwdá' Shafani aa baraá kitaábuú dabér wa soomuús nguwa axaás, tlabaawós gina feehhamiís.

1 QOM'I 21:16

Daudi, malaykamo guri ár i sihhmiit tla/ángw doorí wa ale i paángár kón dakose, taa amohhe'eés gixsár Yerusalemu ngiwa qwaareesi. Daudi nee bariisér xoorór Israeli tari gur'ér ar qaát yaamu, guniyadu ngaa tsiitiyé'.

1 QOM'I 7:22

Baabuúín Efraimu ina tsuunqumiís as qatlor'ín deelór yaariire. Hhaeewós nina hardihiyé' as nguwa gurkwa/asiya'.

NEHEMIA 9:1

Bál slahhangwduú kilá' tawa mibeeri tsár nee tsiyáhh, múk Israeli tari burumburiít as tawa gwaawin gunaydu ngaa tsiitiyé' nee sage kari hhapeérár slikín.

YOBU 1:20

Aluuwo Yobu kaangwí sleémeero nguwa axamaamiís, iri sihhiít, tlabaawós giri feehhamiís, se'eengós nee daamoórose giri deéqw as tsuunqumis, iri yaamií huú' ar gura', Mungú guri sluufiís.

YOBU 16:15

Aníng guniyadu iga tsiít as niwa tsuunqumiis, taa qaroó baál, aga iwiít baraá hhape.

YOBU 2:12

Nguwa amooqá' saáwá ariyé' ngwa tsaahhi'iiká, nina /aa/iyé' ar afór ur, tlabaaín ngiri feehhamisiyé', nee hhape ngiri gáwtí kwakwahhiyé', nee gawaá sager'ín, as gurhaamír ur.

WARA'AMI 69:11

Guniyadu ngiwa tsiít as tsuunqusmo, tari gár tar axweesi dir'ine.

ISAYA 32:11

Kuungásá /ameenár a yaandahhe'es daaraxé' daxta kuungásingá aga taqna/ute' kitlkitlé' daxta, Tlabaahúng sleémeero duuxaak, /aankwetsimé', guniyadu siinootaak gawaá afeetlerhúng.

ISAYA 36:22

Aluuwo Eliakimu garmoó Hilkia nee goousmo Shebna nee Yoa garmoó Asafu kuduú muruú inslaslángw wa hariím gu gooiím tari amór waawutmo Hesekia káy, tlabaaín ngaa feehhamiisiyé' muruudá' sleémeero oo geeraharusmoodá' aa aaín nguri alki/iitiyé' dír waawutmo.

YEREMIA 36:24

Ala tam waawutmo nee sagadiyuuserós axweesanaydá' sleémeero kwaa axaasi, inooín taa da'ayutiiká, nee sleeme tlabaaín kaa feehhamiisiiká as gurhaami.

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Matayo 26:65

Kaahamusmoó úr oo Mungú inqwaruuwós guri feehhamiís, iri oó', «I Mungú /ooslislín. Gár lamabu'úngw hatlá' ngus ala leelehhiitaan a milá? Qaytsité', /ooslisliingós kwí hám ugwa axasé'.

Tlehhema'aá ya/Abuuse 14:14

Qoomár Barnaba nee Paulo kaangwí kuwa axaás, inqwaruuín kuri feehhamiís, tari ta'aaín, tari dáh baraá tla/ángw boo/aydá', ta tsimahhuus, ta kaahi,

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

HAR'OHUUSE 11:35

Yefta ngiwa ár dasiirós nguwa al'eér, tlabaawós gina feehhamiís iwa kaahi, «Dasir'eé', iga gurtlés nee iga slahh'amuú yaariír ar eér, asma aníng lo'o aga /aáy dír AAKOÓ MUNGÚ, slám lo'oorí amohhu'uumaro a aleeslawaaká.»