IIMU/UUNGW 37:28 - Biblía Axweesantá Hhohho' ar Mungú 2004

²⁸ Muko oo yaamaá Midiani oo múk tlaxuúm iwa waaraahhi, Yosefu kuri duúx baraá hhalaango, kuri weeriís dír múk Ishmaeli, ar shekeéli mibeeraá tsár. Inooín Yosefu kuri huúw ay yaamaá Misri.

IIMU/UUNGW 37:28 Iomraidhean Croise

IIMU/UUNGW 25:2

Ketura Abrahamu guri daaqaywí xwayluúr: Simrani nee Yokshani, nee Medani, nee Midiani, nee Ishbaki nee Shua.

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

IIMU/UUNGW 37:36

Ala mukduú yaamaá Midiani oo Yosefu gwaa tlaaxw kuna weeriís baraá yaamaá Misri, kuri tlaáxw nee heeko ta babay Potifa. Inós a geeraharusmoó úr oo askaárír Farao, waawutmoó yaamaá Misri.

IIMU/UUNGW 39:1

Yosefu kuna huúw ay bará yaamaá Misri nee múk Ishmaeli, kudá' gwaa tlaaxw. Potifa, geeraharusmoó úr oo askaárír waawutmo Farao, guri tlaáxw dir'ín wa alé.

IIMU/UUNGW 40:15

Asma ar ló', án tina fiís baraá yaamaá múk Ebrania wa alé, slám baraá yaamukae gár tlaakw ar naa tleéhh i káhh, ar tiwa dahaasi baraá doó tseegmoórí ale.»

IIMU/UUNGW 50:15

Hha'aá Yosefu ngiwa ariyé' baabuúín aa gwaá', tari oó', «Hám wané Yosefu daxta ti aahh, tiwa li/áy bui, kuduú tlakweemaadá' naa inós i tleehhaán.»

WARA'AMI 105:17

Ala heeko guna geerií ya/aáw, Yosefu, kudá' taa weeriís baraá lawaali'iima.

WARA'AMI 83:9

Tidá' taa tléhh dír múk Midianíri alé, nee dír Sisera nee Yabini, didár yaaér Kishonír wa ale, dir'ín tii tlehh.

TI'INAANGW 2:16

dasuú faanqw oo kaahamusmooko baraá yaamaá Midiani nina hardáh as ma'aá bee/ángw baabuú'ín nee aaraawo ngiwa iihheekiya'.

TI'INAANGW 21:16

«Heé hee gwaa fiis as nguwa weerisi, laqaá nguwa lawaalmoowós wa oohi aqo kun gaas.

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

YEREMIA 38:13

Yeremia nguri uuruxiyé' ar him'e, nguri duuxiyé' baraá hhalángw wa alé. Alaá tihe Yeremia iri hoót dír afeenidár xuumuusér wa ale.

TLAHHOÓ LAÁWI 27:5

Barnaxes heedaádá' a tla/ángw kureeraá kooán nee mibeeri tsár, tu/utós a peésár shekeéli mibeeri tsár, barnaxes a garma. Barnaxes a dasi, gár kar tu/i a shekeéli mibaangw.

FAARO 25:15

Umuú /ameenirír Midiani taa gaás ku bay Kosbi dasír Suri. Suri a geeraharusmoó tlahhayko baraá múk Midianiro.

FAARO 25:17

«Múk Midiani hayloórí leehheek nee ki hhaamís.

Matayo 26:15

Iri oó', «Án barnaxes ngu dirhúng i sakií/, gár ni hanisa' a milá?» shiliíngi mibeeri tám kay dirósí haniís.

Matayo 27:9

Gawaá adoorihe /aymuudá' aarusmo Yeremia aa oó' iri boó/, kudá' iwa káh, «Shilingidá' mibeeri tám kari taataáhh. Qoomaywí a kudá' taa axweés nee múk Israeli tawa tlaxór heedaádá'.

Tlehhema'aá ya/Abuuse 7:9

«Bariiseerén tidá' gur'e gari ohiín as Yosefu, kuri weeriís as kuwa huwi yaamaá Misri. Ala Mungú i dinkwa nee inós.

HAR'OHUUSE 8:22

Ala múk Israeli Gideoni kuri báy, «Kuúng atén ti sawaawuti'iin, nee aluuwoge xwaylarók ti sawaawuti'iin, asma kuúng atén tina tú/ dír múk Midianír wa alé.»

HAR'OHUUSE 8:24

Giri malé báy, «Aníng kuungá' nu firiím gár wake, na'asé', umuúqo heewo saaqaánduú sahaábu kudá' taa sleeré' haasaáng wa ale haniisare'.» As múk Midiani tawa oo tlahhoó Ishmaeli parooti a gar'ín.