IIMU/UUNGW 37:25 - Biblía Axweesantá Hhohho' ar Mungú 2004

²⁵ Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

IIMU/UUNGW 37:25 Iomraidhean Croise

IIMU/UUNGW 31:21

Yakobo daqaari'iimarós sleémeero gari ar tláy iri /akuút. Alaá yaaér Eufrate ngiwa waaraáhh, iri Gileadír xuú', yaamaá tlom'i.

IIMU/UUNGW 31:23

Labani nee hhaeewós Yakobo nguri eeharahariyé' ay deelo faanqw, ngway gawaá tlom'aá Gileadír i ayé'.

IIMU/UUNGW 37:24

Nguna oohiyé', ngway kwahhiyé' baraá hhalángw kaahaár, oo ma'aá koomaaká.

IIMU/UUNGW 37:28

Muko oo yaamaá Midiani oo múk tlaxuúm iwa waaraahhi, Yosefu kuri duúx baraá hhalaango, kuri weeriís dír múk Ishmaeli, ar shekeéli mibeeraá tsár. Inooín Yosefu kuri huúw ay yaamaá Misri.

IIMU/UUNGW 37:36

Ala mukduú yaamaá Midiani oo Yosefu gwaa tlaaxw kuna weeriís baraá yaamaá Misri, kuri tlaáxw nee heeko ta babay Potifa. Inós a geeraharusmoó úr oo askaárír Farao, waawutmoó yaamaá Misri.

IIMU/UUNGW 39:1

Yosefu kuna huúw ay bará yaamaá Misri nee múk Ishmaeli, kudá' gwaa tlaaxw. Potifa, geeraharusmoó úr oo askaárír waawutmo Farao, guri tlaáxw dir'ín wa alé.

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

ESTA 3:15

Mukdá' iri gaanslár tláy as hara'ayár waawutmo, hara'aydá' kari ilahaniís baraá gixsár ur ar Susa. Waawutmo nee Hamani tana iwiít, ta difaáír wahán, ala gixsár ur ar Susa aa amooqwát.

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

WARA'AMI 83:6

Inooín a múk Edomu nee oo Ismaeli, múk Moabu nee múk Hagari,

AXWEESANOÓ SAGALOOA 30:20

Hotaá /ameenír fuquso'o a adoorí, in /ayiín, afkós guri fíts naagáy iri o', «Gár naa tlakweés i káhh.»

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

YEREMIA 46:11

Kuungá' múk Misri, tlawsé' ay Gileadi, xa'anoó maasáy leelehhaak, asma maasoó yaariír una tlehhaahhité', kuungá' gár nu hungu/uus i káhh.

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

ESEKIELI 47:18

«Bihhaá da/aawe digma a dír yaaér Yordani, iri kumiit ay tla/ángw Haurani nee Damasko ay Gileadi yaamaá Israeli. Sleeme digma iri waaraáhh bihhaá da/aáw awa Tlawtá Diwi ay yaamaá Tamari.

AMOS 6:4

Tsaxwaahúng kuungaádá' qaqtimá' baraá qateenaá taa parootuús ar xareemaá daawe, nee kudá' ti alduxuumá' gawaá qateenoodá' bununuuqá' wa alé, fu'unaá deeloó bee/aangw kiri /agá' nee tari damaá lehhitá' baraá slumo.

AMOS 6:6

Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

YOSHUA 13:11

Yaamaá Gileadi sleeme, yaamu sleémeero awa xoorór Geshuri nee awa múk Ma'akati, ay tlom'i sleémeero awa Hermoni, nee yaamu sleémeero awa Bashani, nari ti'iitiyé' ay Saleka,