IIMU/UUNGW 37:22 - Biblía Axweesantá Hhohho' ar Mungú 2004

²² Reubeni gina báy, «Tseere ma ku'uusara', ala kwahhaak baraá hhalaangwí oo baraá darmuuwí dirií'. Ala mu gaasara'.» Reubeni gár adoorí ngisa oó', a gun tu/utá wa slaa' baraá dabaaín wá alé, as nguwa ki/isi amór baabuúwós.

IIMU/UUNGW 37:22 Iomraidhean Croise

IIMU/UUNGW 22:12

Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

IIMU/UUNGW 37:21

Reubeni adoodá' ngiwa axaás, guna slaá' nguwa ba/amiisi gawaá dabaaín wa alé, iri oó', «Aasla'áy, muwa gaasaán, na'asé'.»

IIMU/UUNGW 37:23

Ala Yosefu iwa hardáh dír hhaeewós i alé, hiyaywós kudá' hhoohhoó' aa tsiít nguna hayohiyé'.

IIMU/UUNGW 42:22

Reubeni gina mu/aywaáts, giri báy, «Án kuungá' naa bawiikáhe, garma mu sadakuusara'. Ala kuungá' a axamisa'aaká. Xáy daxta, ga/aawaak, tseereerós atén taa inkí/.»

TI'INAANGW 24:11

Ala geeraharuuseedár Israeli Mungú gár nga /iís i káhh, inooín Mungú nguri ariyé', niri /ayiné', nee niri wahané'.

YEREMIA 36:25

Tam qoomár Elnata, Delaya nee Gemaria waawutmo nguwa ló'wa firiné' as kitaábuudá' munguwa daá/, inooín gaa iiárií qaasiiká.

Matayo 27:24

Qoomár Pilato ngiwa ár gár i bui i káhh, ala a tsimaahhi in tlahhaatláhh, ma'aay giri taataáhh, dabaawós giri hamaátl dír geeraá múk wa ale, iri oó', «Aníng tlakweemaá ni koom i kahhiyá' gawaá daanduú heewí gan'amuú kooma. Ala kangwsíng a koohúng.»

Tlehhema'aá ya/Abuuse 12:1

Deeloodae waawutmo Herode múk kríshaanáy guna bahh ohín, guri slahh'eemiís.

DABE 13:9

ala aqo un gasá', dakók i giirin qoomár bur gaamisá', daqaní múk hatlá' aluudá' ngi hari.