IIMU/UUNGW 37:21 - Biblía Axweesantá Hhohho' ar Mungú 2004

²¹ Reubeni adoodá' ngiwa axaás, guna slaá' nguwa ba/amiisi gawaá dabaaín wa alé, iri oó', «Aasla'áy, muwa gaasaán, na'asé'.»

IIMU/UUNGW 37:21 Iomraidhean Croise

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

IIMU/UUNGW 37:22

Reubeni gina báy, «Tseere ma ku'uusara', ala kwahhaak baraá hhalaangwí oo baraá darmuuwí dirií'. Ala mu gaasara'.» Reubeni gár adoorí ngisa oó', a gun tu/utá wa slaa' baraá dabaaín wá alé, as nguwa ki/isi amór baabuúwós.

IIMU/UUNGW 42:22

Reubeni gina mu/aywaáts, giri báy, «Án kuungá' naa bawiikáhe, garma mu sadakuusara'. Ala kuungá' a axamisa'aaká. Xáy daxta, ga/aawaak, tseereerós atén taa inkí/.»

IIMU/UUNGW 9:5

Aníng tseererhúng a li/aay buú'. Hee bar hee ngwa gaás, aníng heedá' u gaás sleeme. Laqaá tam makiito'o hee burngwa gás, aníng inós a gaás sleeme.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

YOSHUA 10:28

Yoshua nee slaqwaruuseerós niri kumiitiyé' slaqwaraaro, gixsár Makeda ngiri hayoohiyé' nee waawutmoowós kway gaás, múk baraá gixsadá' sleémeero kuri tsuú/. Waawutmoó Makeda kuna gaás adór kuduú Yerikór wa alé.