IIMU/UUNGW 37:2 - Biblía Axweesantá Hhohho' ar Mungú 2004

² Adoorí an alki/ituú xwaylár Yakobo. Qoomár Yosefu kureeriiwós tawa mibaá nee faanqw, inós i bee/ángw deaaén nee hhaeewós. Yosefu tawa masoomoó kureeraá mibaá nee faanqw nin aldeaená' nee daaqoó Bilha nee Silpa, tlaawoó baabuúwós. Yosefu muruudá' tlákw hhaeewós i axweemaamisiya' nee i tlehhaahhitiya', gun dír baabuúwósí alki/a/iit.

IIMU/UUNGW 37:2 Iomraidhean Croise

IIMU/UUNGW 10:1

Tlahh'iiká' an xwaylár daaqoó Noa, ín Shemu nee Hamu nee Yafeti. Alaá tluwoó da/tene inooín daaqaay kuna laqwaál.

IIMU/UUNGW 2:4

Kaangwí an alki/ituú adoodá' doori nee yaamu kira tleéhh. Qoomaadá' AAKOÓ Mungú yaamu nee doori ngiwa tleéhh,

IIMU/UUNGW 30:4

Raheli sagadiyuso'oorós tidá' gari hanís dír Yakobo i alé, tawa adór hareerós. Yakobo nee Bilha tari alqaát.

IIMU/UUNGW 30:9

Lea ngiwa aán i laqwaliindaaká, sagadiyuso'oorós Silpa gari hanís dír hhawaatuuwós Yakobo tawa adór hareerós.

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

IIMU/UUNGW 41:46

Yosefu a heé kureeri mibeeri tám qoomár waawutmo Farao oo Misri sagadiyeede nguwa iimu/ún. Yosefu ina baraá doó waawutmo Farao wa ti'iít, yaamaá Misri sleémeero giri alhi'iimiít.

IIMU/UUNGW 42:8

Yosefu hhaeewós tim ngaa tsaahhi, ala inooín inós ngwa tsaahhi'iiká.

IIMU/UUNGW 45:6

Asma gaarí an sangw kurkú tsár qwarko baraá yaamukae, slám kureeraá kooán i alií kahhiyá' awa tawa doosliiká, nee tawa bu'unká baraá qamuuwo.

IIMU/UUNGW 46:34

Kuungá' ta oa', ‹Atén lawaaleerók a de'eemuuse iimír na/uumar'eene ay laarí, tam taati'iirén iimír aange a de'eemuuse.› Kuungá' adoorí bara oé', daqaní inós yaamaá Gosheni ngi haniis dirhúng.» Yosefu adoorí gana oó', asma múk de'eemuuse a múk taa ló'wa aáhh baraá yaamaá Misriro.

IIMU/UUNGW 5:1

Gaarí an umér xwaylár Adam. Baldá' Mungú hee nguwa tleéhh, guna tleéhh ar slaqsoó Mungú.

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

1 Korinto 1:11

Hhaee'eé' aníng kangwhúng ugwa axaás dír múk doó Kloe wa alé, adór baraá tla/angwhunge kaangani ir deér.

1 Korinto 11:18

Gár har geeraá, aníng kaangw ugwa axaás qoomár kuungá' múk kríshaanáy bar burumburimitá', kuungá' taa partlité'. Ala aníng adór kaangwí turu ló' aga ya/aám.

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.