IIMU/UUNGW 37:18 - Biblía Axweesantá Hhohho' ar Mungú 2004

¹⁸ Hhaeewós nguri amorqá' saáwí ariyé'. Inós qoomár iwa hardihiiká amor'ín i alé, tana kilooín axweés as kuwa gaasi.

IIMU/UUNGW 37:18 Iomraidhean Croise

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 37:19

Ta axwees kilooín ale, ta kaahi, «Aakooduú tlata hanoos naa hardáh.

IIMU/UUNGW 50:15

Hha'aá Yosefu ngiwa ariyé' baabuúín aa gwaá', tari oó', «Hám wané Yosefu daxta ti aahh, tiwa li/áy bui, kuduú tlakweemaadá' naa inós i tleehhaán.»

IIMU/UUNGW 50:20

Kuungá' looeemaawo, ana slaé' aníng iwa gár tlaákw i tlehha', ala Mungú gana slaá' tawa gár hhoo', as xoorór ur ngiwa ba/amisi, adór hám i diri' laarí.

WARA'AMI 105:25

Múk Misri guri wakuusér múk Israeli tleéhh, adór qoomaaká kay tleéhh dír sagadiyuuseerós.

WARA'AMI 109:4

Handá' aníng inooín ina mak slaá', ala ina sakwasleemuutiyé', tam adoorihe ina aleefiririím.

WARA'AMI 31:13

Múk yaariír i saasahhán daanduueene, tsaxwa iga harweeriyé' bihhe sleémeero. Taa geewaaqaát tiwa oohi, ta loohír tlehhiit ar tir gaasi.

WARA'AMI 31:14

Ala aníng kuúng un harahhiíf, AAKOÓ MUNGÚ, «Kuúng a Munguúeé'.»

WARA'AMI 37:12

Tlakuusmo heé hota ganaá' gun geewaqaqatín, nee gun /atlií /aay.

WARA'AMI 37:32

Heé hota ganaa'aaká, heé hota ganaá' gun haramamahhamiit, nee adór ngur gaasi gan leelehhiit.

WARA'AMI 94:21

Kudá' múk ganaá' gu tsu/utár wa slaá', kudá' múk dakuús wásl gu sakwasleemár gwa'arár i tlaáq.

Matayo 21:38

Ala qoomár doosluuseedá' garmaadá' nguwa aán, tari kilooín axweés ta kaahi, ‹Kwí a aalitmoowós. Qwalaas un gaasaán, as daqaní aali tawa toorén.›

Matayo 27:1

Looa niwa tleér kaahamuusér uren sleémeero ar Mungú nee bariisér múk Yahudi tari al'axweés adór ta laqi daanduú Yesuwo as kuwa gaasi.

Marko 12:7

Ala mukdá' taa qaymór i saayín tari axweés ta kaahi, ‹Kwí an aaliitmo, gaasare', aali daqaní a toorén.›

Marko 14:1

Deelo aa mét tsár deelór ur ar Pasaákuwo nee deeloodár Mikaátér taa sluuftisiiká kawa /ayi. Kaahamuusér uren ar Mungú nee intsaahhatuusér hara'ayár Mosewo loohír Yesu kur oohi ar naaqo kari leelehhiít, nee kuwa gaasi.

Yohana 11:53

Iimír baldá' adór Yesu kur gaasi kari al'axweés.

Tlehhema'aá ya/Abuuse 23:12

Looa niwa tleér, múk Yahudi tari al'axweés, lo'o kana /aáy ar tawa /ayinka, slám ta wahiika ay dír Paulo kway gaasi.

1 SAMUELI 19:1

Saulo garmaawós Yonatan nee mukduú sagadiyuuseerose giri i axweés adór Daudi kur gaasi. Ala Yonatan garmoó Saulo nee Daudi a mulqe kángw kilá' wa ale.