IIMU/UUNGW 37:15 - Biblía Axweesantá Hhohho' ar Mungú 2004

¹⁵ Heeko wák Yosefu guna baraá xatstií áy, i baraadá' wa harweeriirín. Heedaádá' guri báy, «Gár ta leeleehhit a milá?»

IIMU/UUNGW 37:15 Iomraidhean Croise

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

IIMU/UUNGW 37:14

Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

IIMU/UUNGW 37:16

Yosefu iri oó', «Hhaee'eé' in leelehhiít. Na'ás, dír iwa de'ena' ooang.»

2 WAAWITÁ 6:19

Elisha giri i daqáy giri báy, «Kuungá' loohi aga dakusé', gixsarí a tidá' kuungá' ta leeleehhiita'aaká. Aníng eeharaaré', aníng kuungá' nu hardahaás dír heedaádá' kuungá' ta leeleehhita'.» Inós giri huúw ay yaamaá Samaria.

Yohana 1:38

Yesu iri warqáy, eeharuuseedá' gu eeharahaar gari ár gari báy, «Gár ta leelehhita' a milá?» Eeharuuseedá' iri ó', «Intsaahhatusámo, kuúng dír ta hot a diimá?»

Yohana 18:4

Ala Yesu tidá' sleémeero gu slaw ga xuu', giri harahi'iít, giri yaahaás, «Heé ta leelehhita' a heemá?»

Yohana 18:7

Yesu giri malé yaahaás, «Heé ta leelehhita' a heemá?» Tari oó', «A Yesú Nasareti.»

Yohana 20:15

Yesu gari báy, «Aáyo, ma /aa/amiín? Heé ta leelehhit a heemá?» Inós geera ngi xu', a heé asalmoó amohhe'eemamiís, iri ó', «Aáko, barnaxes kuúng una hingés, amór kway qás ooang, aníng daqaní u leéhh.»

Yohana 4:27

Qoomaadár kilae eeharuuseerós niri hardát, naxés nee /ameeni tawa axweesi tari waa/oó/. Ala heé gwa yaahaas i kaahh, iwa ooi, «Ma slá'?» laqaá, «Mas axwesá' nee inós?»

HAR'OHUUSE 4:22

Nee Baraka Sisera nguwa eehár, Yaeli ina tsee/ií ti'ít as nguwa al'eer, guri beér, «Qwaláng heedaádá' ta leelehhit ngu laqaám.» Baraka iri dáh baraá heémár Yaeli, Sisera guri yaamií áy aa gwaá', kiki'ír heéma i gawaá gitsee/aawósí dirí'.