IIMU/UUNGW 37:14 - Biblía Axweesantá Hhohho' ar Mungú 2004

¹⁴ Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

IIMU/UUNGW 37:14 Iomraidhean Croise

IIMU/UUNGW 13:18

Naagáy Abramu heémarós gay surkuús, iri hardáh dír ta/eewoó heé ta bay Mamre, baraá yaamaá Hebroni. Iri didá' wa hoót. Didaádae kitángw ilahhooa guri tleéhh as AAKOÓ MUNGÚ.

IIMU/UUNGW 23:19

Alaá kaangwihe Abrahamu tuuár hareerós Sara gari foól baraá mar'idár qaymór Makpela, tidár bihhaá da/aáw awa Mamre, tidá' ta bay Hebroni, ar baraá yaamaá Kana'ani.

IIMU/UUNGW 23:2

Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

IIMU/UUNGW 29:6

Iri kumiít yaahamisuuwo, «Xáy, i sayaumamíti?» Inooín tari oó', «I sayauut, hanoos dasiirós Raheli i amoorí keér, i bee/ángw koón.»

IIMU/UUNGW 35:27

Yakobo iri hardáh amór baabuúwós Isaka, baraá yaamaá Mamre, gixsár Kiriat-arba, tida' ta bay Hebroni, iri amoodá' wa hoót, yaamuudá' Abrahamu nee Isaka naa hootiyé' ar dah'iima.

IIMU/UUNGW 37:15

Heeko wák Yosefu guna baraá xatstií áy, i baraadá' wa harweeriirín. Heedaádá' guri báy, «Gár ta leeleehhit a milá?»

IIMU/UUNGW 41:16

Yosefu iri oó' dír Farao, «Aníng aleesleemu u koomaaká, ala Mungú inósuú kilá' tlataawók ngi waagweer ar adór wayduú huuw.»

IIMU/UUNGW 43:27

Yosefu kangw'ín guri yaahamiís, iri oó', «Baabuúhúng kudá' tawa kata' aa uráy, i saayauúti? I slafaafína?»

2 SAMUELI 11:7

Uria iwa hardáh amoorós, Daudi guri yaahaás saayuú Yoabuwo, nee oo muu sleémeero, nee adór slaqwara i diri'.

2 SAMUELI 18:32

Waawutmo guri yaahaás, «Xáy, garmoó ta bay Absalomu ku hhoóe?» Heedaáduú Kushi iri oó', «Aakooeé' waawutámo, wakuuseerók dinkwa nee sleémeero kudá' naa daanduuwók wa sihhitiyé' as tuwa gár tlaákwi slai, alók masók an adór garmaawí ta bay Absalomu.»

1 WAAWITÁ 2:33

Daxta tseerdaá mukdá' Yoabu aa tsu/aa/ín nin gawaá Yoabií ki/iyá' nee gawaá xwaylarós ay alhhe'eesay wasle. Ala AAKOÓ MUNGÚ doó Daudi nee xwaylarós nee waawuti'iimarose gin waydií haniís ay kureeraá kureér.»

ESTA 2:11

Umuúqo baalaaro Mordekai in daqaaqáy dír afeenír doó /ameena as saayuú Esta nguwa slay, nee áx gár ga slaw.

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

YEREMIA 29:7

Gixsasíng kuungá' tunday loohatís diihhooárií leelehhaak, anuú AAKOÓ MUNGÚ firiirimaré' diihhooár yaamuukae, asma inooín diihhooa bar kaa sláy, kuungaásingá' baraasíng hootá' diihhooa aqo sleerá'.›

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

Luka 19:42

iri oó', «Geeraawo masók tam kiíng muruudá' una xú' deelór laarihe oo wayduú huúw diroge. Ala hám daxta kwaa luú/ dír ilaawoge.

YOSHUA 14:13

Yoshua Kalebu garmoó Yefune guri tsuúq, guri gixsár Hebronirí haniís as ngiwa aali.

YOSHUA 14:14

Gawaá adoorihe yaamaá Hebroni Kalebu, garmoó Yefune, heé guruú doó Kenisi giri óh, ay laarí a kooín, asma Kalebu AAKOÓ MUNGÚ Munguú múk Israeli guna ilaiwawaá/ ar inkihhimu.

YOSHUA 14:15

Umuú yaamaá gixsár Hebroni bál geeraawo a kun babay Kiriat-arba. Heewí ta bay Arba ku ló'wa iiatleér ta múk hatlá' sleémeero oo Anakiro. Yaamu sleémeero niri amohhoouyé' asma slaqwara i káhh.

HAR'OHUUSE 1:10

Múk Yuda iri haraatláy amór múk Kana'ani oo baraá Hebronír hoót. Umuuwí Hebroni aáng ku babay Kiriat-arba. Inooín tlahh'aá tám awa Sheshai nee Himani nee Talmai kiri baál.

1 SAMUELI 17:22

Daudi muruudaá huúw guna adaá saayín dír heedaádá' xooslár xuúm, iri adaá ta'aa'ín amór slawtá múk Israeli, hhaeewós giri taaqweés.