IIMU/UUNGW 37:11 - Biblía Axweesantá Hhohho' ar Mungú 2004

¹¹ Hhaeewós gur'e giri ohiín, ala baabuúwós muruuwí sleémeero guri baraá muunaáwós i qaás, as nguwa aldakwi.

IIMU/UUNGW 37:11 Iomraidhean Croise

IIMU/UUNGW 24:31

Labani heedaádá' guri báy, «Baraá do' i dahang, kuúnguusíng taa tsuúq nee AAKOÓ MUNGÚ. Ahaá waáy, mas tsee/aá wa sihhimít? Qatuwók ugwa amohhe'eesaán, nee dír angamíaro.»

IIMU/UUNGW 37:12

Looarka wake hha'aá Yosefu bee/ángw baabuúín nguna de'éngw ayé' iisaapoó yaamaá Shekemií alé.

IIMU/UUNGW 42:9

Yosefu tlataawós kudá' aa tlatiitín daanduuine giri insláy. Giri báy, «Kuungá' yaamu ngina tsee/aaríngw eeré', as /aareemaá yaamurén kiwa aanda'.»

WARA'AMI 106:16

Baraá xafaywo muu Mose guri da/itá wa ár, tam Aroni, kudá' hhoohhoó' oo AAKOÓ MUNGÚ.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

ISAYA 11:13

Da/itá Efraimu i fák, nee kudá' Yuda ngu dae tlaaqá' ki amór saáwí hingees, múk Efraimu i tloomaatlonká as múk Yuda, múk Yuda oo Efraimu gu daetlaaqiiká.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

DANIELI 7:28

«Gaarí a alhhe'eesoó kaangwí. Anuú Danieli niri daanda feehhiís, tam kalay'eé' iri warqáy. Ala kaangwí una alhooreés baraá muunaáeéní aleeró.»

Matayo 27:18

Asma inós gaa xuú' adór gár Yesu kungu sa duúx tar da/i.

Marko 15:10

Asma inós gana geerií xuú' adór kaahamuusér uren ar Mungú ngura amoodií húp as da/tá tawo.

Luka 2:19

Ala Maria tí sleémeero gari alhoorés baraá muunaáwose.

Luka 2:51

Tari al aweér ay Nasareti. Inós iri kumiít xwayliteérós ngiwa iialooeemiisi. Aayírós tí sleémeero gari alhoorén baraá muunaáwose.

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 7:9

«Bariiseerén tidá' gur'e gari ohiín as Yosefu, kuri weeriís as kuwa huwi yaamaá Misri. Ala Mungú i dinkwa nee inós.

Galatia 5:21

nee tloomatloong, nee oonitime, nee hheehha, nee muruú hatlá' oo nee kwí slaqamiimís sleeme. Adoodá' naa qaroó geerií oó' dirhúngií alé, ngin malé oó', niwa kah, múk adoorí /imaamiís, waawuti'iimár Mungú ga baloó aaliiká.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»

1 SAMUELI 18:8

Saulo gura' guri óh, asma /ayma'aá daa'angwí, gawaá adoorihe, iri qa/iít kángw kilá' wa ale, iwa kaahi, «Daudi ngwa kumér mibaángwí hanisiyé', ala dir'eene gár naa hanisiyé' a kumuú wák kilós. Gár aa met daxta a milá a Daudi waawuti'iima gan slaykáhe?»