IIMU/UUNGW 36:6 - Biblía Axweesantá Hhohho' ar Mungú 2004

⁶ Esau tlaawaywós nee daaqaywós nee dasuuwós, nee múk do'ós sleémeero, nee hikwaawós, nee muruuwós sleémeero, nee daqaari'iimarós sleémeero tidá' aa sláy baraá yaamaá Kana'anír wa alé, garir tláy, iri saweés dír hhiyaawós Yakobowo.

IIMU/UUNGW 36:6 Iomraidhean Croise

IIMU/UUNGW 12:5

Abramu hareerós Sarai gari ar tláy, nee Loti garmoó hhiyaawós, nee muruuwós sleémeero nee lawaaleerose, kudá' aa sláy baraá gixsár Haranír wa alé. Tari ti'iít as tawa tlay ay baraá yaamaá Kana'ani. Inooín tawa dáh baraá yaamaá Kana'anír i alé,

IIMU/UUNGW 13:11

Naagáy Loti xatstá Yordani gari sleémeero wa tsawaár, iri tláy, iri bihhaá da/aá xuú'. Tiri adoorír paraatliyé'.

IIMU/UUNGW 13:6

Yaamu niri alné' qawtantá muruuine, tam inooín niwa dinkwár wa hootiya', asma hikwaaín ki yaariir.

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

IIMU/UUNGW 25:23

AAKOÓ MUNGÚ gari báy, «Xoordaá tsár i baraá guruuwók, tlahh'aá tsár awa kiíng ta xwayluur tin paraatliyá'. Oo wák i /uuruú kón ta oo hatlae, garmoó niiná kudá' úr gun sawaawuti'ín.»

IIMU/UUNGW 28:4

Kuúng u tsuuqi dinkwa nee xwaylarók ar adór Abrahamu ngura tsuúq, as yaamu kiwa al, kwisíng tawa adór dahaaymoó wa hot, yaamuudá' Mungú aa Abrahamú i haniís.»

IIMU/UUNGW 32:3

Yakobo ya/abuuse gari geerakawís amór hhiyaawós Esau, amór Seiri baraá yaamaá Edomu.

IIMU/UUNGW 36:5

Oholibama iri xwayluúr Yeushi, nee Yalamu, nee Kora. Kuká' an daaqoó Esau aa laqwaál baraá yaamaá Kana'anír wa ale.

ESEKIELI 27:13

Múk Yafani, nee oo Tubali nee oo Mesheki halaanu'uuma ngina tleehhiyé' nee kiíng, inooín tiri muk'ín i weerimiís as kahhó' xooslaarók tidár muqslár sirda/aten kawa slay.

Geehhoeemaá 18:13

Nee slám qafoodá' tsuuá' awa xa'anoodá' ta bay dalasini, nee muruudá' mooyaangw tsuú' oo ta baraá di/tá i qamaamin, nee xwatsoodá' ta da/a/an awa mooyaangw tsuuá', nee di/itadá' mooyaangw tsuu', nee di/tá na/amo, tidá' mooyaangw tsuu'. Nee difaái nee di/tá seituúni, nee puuruú /awák nee angaáno, nee hikwa nee bee/aangw, nee faras nee gaardu, nee lawaale nee tam múk hatlá' sleeme.