IIMU/UUNGW 35:3 - Biblía Axweesantá Hhohho' ar Mungú 2004

³ A tlawaán a tsa/amán amór Beteli, aníng Mungú nguri kitángw ilahhooár tleéhh, inósuudá' aníng iga axaas, qoomár slahh'amaayer'eene, nee tari dinkwa nee aníng baraá loohi sleémeero ar naa oohi.»

IIMU/UUNGW 35:3 Iomraidhean Croise

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 31:3

An qoomár AAKOÓ MUNGUÚ Yakobo nguwa báy, «Kií/ baraá yaamaá taati'iiwók nee mukók, án nee kuúng a dinkwa.»

IIMU/UUNGW 31:42

Geera bar Munguú baabuúeé', Munguú Abrahamu, Kudá' Isaka i da'ayumiiti, bir barte'eeneeká, geera án kuúng iga gús ar dabaá kaaharen. Ala Mungú slahh'amaayer'eé' nee gadiyér dabaaeé' gaa ár. An gár kuúng Mungú usa iigahhaát xweeraá laarí ni dahhaana.»

IIMU/UUNGW 32:24

Yakobo iri kilós meét. Heeko wák nina hardáh, tina /otsatsitiyé' nee inós ay ságw looa.

IIMU/UUNGW 32:7

Yakobo iri ló' wa da'ayuút iri amoqwaár. Mukdá' nee inós dinkwa guri qasiís baraá daqooroó tsár, bee/aangw nee muruú hatlá' nee angamía,

IIMU/UUNGW 35:4

Inooín munguiidá' ta haratlintaati'i ngiri Yakobo i haniisiyé'. Nee saaqaanduú baraá iaaín i diriia, Yakobo giri tiíp dír gamuú ti'ita, iisaapoó gixsár Shekemu.

IIMU/UUNGW 35:7

Kitángw ilahhooa guri tleéhh. Didaádá' gari báy El-beteli. Asma an didá' Mungú nguwa i ti'iít, qoomár iwa goów as hhiyaawós.

IIMU/UUNGW 48:15

Yosefu guri tsuúq, guri báy, «Munguú duú baabi'iieé' Abrahamu nee Isaka naa eehariyé', Munguúdá' aníng iga geeraharahaar slafingw'eé' sleémeero ay laarí,

WARA'AMI 107:6

Baraá slahh'amuine AAKOÓ MUNGÚ kuri i /aa/amín, inós giri ba/amís baraá slahh'amaayer'ine.

WARA'AMI 107:8

AAKOÓ MUNGÚ ngu sluufmisiye', asma sla'aarirós ar warqawaaká, asma muruú waa/oo/amo oo aa múkií tlehhiít.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

ISAYA 30:19

Kuungá' múk Siyoni, kudá' Yerusalemúr hootá' kuungá' a sangw baloó /aa/eé ki/a'aaká. Asma looeemawo Mungú kuungá' nu gurtláy as afór /aa/eehúng, qoomár /aa/eehúng birnga axaás, inós kuungá' nun mu/aywaats.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

1 SAMUELI 10:3

Didae bara geerií kumít ay ti'ituú Tabori, nee didae nee múk tám ti dogá' oo amór Mungú káw amdár Beteli, oo wák i deeloó tám kón oo aara, nee oo hatlá' i mikaátér tám kón, nee oo hatlá' i tlakoó kaahartá kón oo difaái.