IIMU/UUNGW 35:27 - Biblía Axweesantá Hhohho' ar Mungú 2004

²⁷ Yakobo iri hardáh amór baabuúwós Isaka, baraá yaamaá Mamre, gixsár Kiriat-arba, tida' ta bay Hebroni, iri amoodá' wa hoót, yaamuudá' Abrahamu nee Isaka naa hootiyé' ar dah'iima.

IIMU/UUNGW 35:27 Iomraidhean Croise

IIMU/UUNGW 13:18

Naagáy Abramu heémarós gay surkuús, iri hardáh dír ta/eewoó heé ta bay Mamre, baraá yaamaá Hebroni. Iri didá' wa hoót. Didaádae kitángw ilahhooa guri tleéhh as AAKOÓ MUNGÚ.

IIMU/UUNGW 14:13

Heeko wák ina kotsqoót, iri tláy, kaangw guri ooár áy dír Abramu, heé Ebrania. Inós aa iwiít dír ta/eewír heé ta bay Mamre, heedaáduú Amori, hhiyoó Eshkoli, nee hhiyoó Aneri. Kuká' nee Abramu tina axweesani slayé'.

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

IIMU/UUNGW 18:1

AAKOÓ MUNGUÚ Abrahamu guna harati'iít baraá yaamaá Mamre. Abrahamu qoomaadae i iwiwiit dír afkú heémarós wa alé, qoomár siree/ír tlaatla/aangw.

IIMU/UUNGW 23:19

Alaá kaangwihe Abrahamu tuuár hareerós Sara gari foól baraá mar'idár qaymór Makpela, tidár bihhaá da/aáw awa Mamre, tidá' ta bay Hebroni, ar baraá yaamaá Kana'ani.

IIMU/UUNGW 23:2

Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

IIMU/UUNGW 28:5

Naagáy Isaka Yakobo guri ya/aáw. Inós iri tláy ay Padan-aramu, amór Labani, garmoó Betueli, heé Aramu, hhiyoó Rebeka, aayór ín Yakobo nee Esau.

IIMU/UUNGW 31:18

Muruuwós sleémeero gurir tláy, dinkwa nee daqaari'iima sleémeero tidá' aa sláy baraá yaamaá Padan-aramúr wa ale. Aai gay tseék awa ki/imaá baraá yaamaá Kana'ani, amór baabuúwós Isaka.

IIMU/UUNGW 37:14

Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

IIMU/UUNGW 49:29

Israeli na/iiwós gina hara'ayín, giri báy, «Aníng gwa'araaro aga nakaá/. Bara gwaá' án ir folá' dinkwa nee taati'iieé' baraá mar'idár baraá qaymór Efroni, oo múk Hiti,

2 SAMUELI 2:1

Alaá kaangwihe, Daudi Aakoó Mungú guri yaahaás, «Xáy, a daqáwa amór gixsár wák baraá gixsadaá Yudawo?» AAKOÓ MUNGÚ guri báy, «Daqáw.» Daudi guri yaahaás, «Gixsár ni kaw a gaalá?» AAKOÓ MUNGÚ guri mu/aywaáts, «Gixsár Hebroni na kaweek.»

2 SAMUELI 2:11

Daudi múk tlahhoó Yuda guna sawaawuti'ín kureeri faanqw nee slahheraá lahhoó' bara Hebronír wa ale.

2 SAMUELI 2:3

Daudi mukós kudá' nee inós dinkwa guna huúw, umuúqo heewo nee múk do'ose, wa/amér hotangw'ín kari tleéhh iisapoó gixsár Hebroni.

2 SAMUELI 5:1

Tlahhi'i sleémeero awa múk Israeli nari daqayé' Hebroni amór Daudi, kuri báy, «Qayteek, atén awa tlahhaywók

2 SAMUELI 5:3

Naagáy bariise sleémeero ar múk Israeli iri daqeér Hebroni dír waawutmo Daudi. Inós al'axweesani gari oó' dir'íní ale, dír geeraá AAKOÓ MUNGÚ wa ale. Daudi kuri iimbalaáx ar di/i tawa waawutmoó Israeli.

2 SAMUELI 5:5

Baraá Hebroniro inós múk Yuda guna sawaawuti'ii'ín kureeri faanqw nee slahheraá lahhoó'. Nee baraá Yerusalemuwo múk Israeli nee múk Yudawo gina sawawiti'ii'ín kureeri mibeeri tám nee tám.

YOSHUA 15:13

Aluuwo Kalebu, garmoó Yefune, kuna yaamaá Kiriat-arba i ka'aás baraá tla/ángw yaamaá tlahhoó Yuda wa ale, ar adoodá' Yoshua kura ádbáy nee AAKOÓ MUNGÚ. Gixsarí ta bay Kiriat-arba gana aál. Arba baabuú Anaki baraá gixsarí gana hoót. Laarí gixsarí kan babay Hebroni.

YOSHUA 21:11

Gixsadaá taa haniís a Kiriat-arba, tidá' ta babay Hebroni (Arbawí an baabuú Anaki). Gixsarí i baraá yaamaá Yuda. Kana haniís dinkwa nee qawtantadá' gixsadá' gaa harwedi.