IIMU/UUNGW 35:23 - Biblía Axweesantá Hhohho' ar Mungú 2004

²³ Daaqoó Lea an Reubeni, na/oó baris oo Yakobo, nee Simeon, nee Laáwi, nee Yuda, nee Isakari nee Sebuluni.

IIMU/UUNGW 35:23 Iomraidhean Croise

IIMU/UUNGW 29:16

Labani dasuú tsár gu kón, ar ur umuuwós a Lea, nee ar niina a Raheli.

IIMU/UUNGW 29:31

AAKOÓ MUNGÚ ngiwa ár Lea kawa slaiiká, gari na/ií haniís, ala Raheli na/ii gaa sleeriiká.

IIMU/UUNGW 33:2

Sagadiyuuseedá' nee na/ii'ín gina geeraaharís, Lea nee na/iiwós aluudá', Raheli nee garmaawós Yosefu tari alhhe'eesaay.

IIMU/UUNGW 49:3

«Reubeni, kuúng a baris, /uuruueé', nee mamaá masoombi'iimar'eé', kuúng a ló'wa ilaiwa/amér koón, nee slám a /uuruú koón.

1 QOM'I 12:25

Múk tlahhoó Simeon a kume faanqw nee tsiiruú wák miguusér slaqwarár xuu'.

1 QOM'I 27:16

Gaarí an umér múk urén oo tlahh'aá múk Israeli: Múk tlahhoó Reubeni heé taa uráy haniís a Elieseri garmoó Sikri. Geeraharusmo úr oo tlahhoó Simeon a Shefatia garmoó Ma'aka.

TI'INAANGW 1:1

Gaarí an umér xoorór Israeli tidá' nee Yakobo taa yaamaá Misrír i koné', umuú heewo nee múk do'ós.

ESEKIELI 48:30

«Gixsár Yerusalemu koo/ír gaa harwet i deer, nee koo/irí i afér dahamaá koón nee ar ti'inaango. Bihhaá /iiko koo/i a miíta kume tsár nee tsiire tsár nee mibeeri kooán. Bihhiiká' awa /iya,

FAARO 1:20

Múk tlahhoó Reubeni garmoó baris oo Israeli, ar adór xwaylar'ine tira haraahariyé' nee adór maray'ine i dirii'iya', nee adór gur'ér maray'ín i diria, nee adór umer'ín i diria, adoodá' kira wakeetín faarooro, umuúqo hhawaatuuwo oo kureeriiwós mibeeri tsár ngaa aye' nee ngaa ba/iye', múk slaqwara eemuwo ido,

FAARO 1:5

Mukdá' kuúng u alee/iís a kwí: Tlahhoó Reubeniwo, a Elisuri garmoó Shedeuri.

FAARO 10:14

Mukdá' dír bendeerár taa qaás as tlahhoó Yuda tana giirín tleemuuwo ar bohhu. Geeraharusmoó bohhuuká' a Nashoni garmoó Aminadabu.

FAARO 13:4

Mukdá' taa ya/aáw umer'ín a tí: Baraá tlahhoó Reubeniwo a Shamua garmoó Sakuri.

FAARO 2:3

«Múk xafay'ín gu tleéhh bihhaá da/aáw amoodá' tsee/aamá niwa ti'imiiti, a bohhudaá dír bendeérár tlahhoó Yuda. Geeraharusmoó tlahhoó Yuda a Nashoni garmoó Aminadabu.

FAARO 26:5

Múk tlahhoó Reubeni, garmoó baris oo Yakobo a kwí: Guruú doó Hanoki, nee oo doó Palu,

FAARO 34:19

Umer'ín a tí: Baraá tlahhoó Yudawo a Kalebu garmoó Yefune.

FAARO 7:12

Naagáy, bál geeraawo heé ilahhooa gaa huuw a Nashoni garmoó Aminadabu, heé tlahhoó Yuda.

Tlehhema'aá ya/Abuuse 7:8

Alqadór al/utlo gari alqadín. Abrahamu iri laqwaál Isaka, nee bál dakaát guri al/uútl. Isaka iri laqwaál Yakobo. Nee Yakobo iri laqwaál kudá' mibaá nee tsár. Inooín a bariiseerén. Nee kudá' sleémeero kiri al/utlín.

DABE 27:11

Baalaadae Mose muu guri adoorí báy,

DABE 33:6

Daanduú tlahhoó Reubeniwo ina oó', «Múk tlahhoó Reubeni i hooti, matawa hhán inooín masók ki niinaweeká.»

YOSHUA 13:15

Mose yaamu gina haniís dír tlahhoó Reubeni ar adoodá' múk dooín i dirii'i.

YOSHUA 15:1

Yaamaá taa tlahhoó Yuda i qasiís ar harqoomoó múk maraá dooín bihhaá basko ay digmuú Edomu, baskú kilae digma iri hardáh xaanxoó Sini.

YOSHUA 19:1

Tsawdór tsár tlahhoó Simeon guna sleér ar harqoomoó maray'ín. Yaamaá taa dir'íní ka'aás badu sleémeero kingina harweér nee yaamaá tlahhoó Yuda.

YOSHUA 19:10

Tsawdór tám tlahhoó Sebuluni guna sleér ar harqoomoó maray'ín. Digmuú yaamaá ta dir'íní ka'aás ina hardáh ay Saridi.

YOSHUA 19:17

Tsawdór tsiyáhh tlahhoó Isakari guna sleér ar harqoomoó maray'ín i dirii'iya'.

Geehhoeemaá 7:7

Oo tlahhoó Simeon a kume mibaá nee tsár. Oo tlahhoó Laáwi a kume mibaá nee tsár. Oo tlahhoó Isakari a kume mibaá nee tsár.

HAR'OHUUSE 5:14

Nina aweeriyé' iimír Efraimu wa alé ay xatstá Amaleki, hhaeeín awa múk Benyamini ngay eehariyé', iimír Makiri wa tleemu slaqwaruuse nina awét, iimír Sebuluniro a múk urén nina aweér.

HAR'OHUUSE 5:15

Múk urén oo Isakari nee Debora tina alkoné', múk Isakari ina iialooeés dír Barakáwí ale, nari aluuwós wa fi'iitiyé' ay baraá xatsa. Ala baraá tla/ángw tlahhoó Reubeniwo babaqaamis ku úr.

HAR'OHUUSE 5:18

Ala tlahhoó Sebuluni a múk hhiintleemoín gaa lak tsiqiit as slaqwara. Nee tlahhoó Naftali tsaxwa kina wa /akumiít baraá slaqwarár wa ale.

RUTI 4:11

Bariiseedá' didí dirii' nee mukdá' sleémeero tari oó', «Eeít, atén a lamabu'uuse. AAKOÓ MUNGÚ masók /ameenisíng baraá do'ók i dah gan adór Raheli nee Lea tleehh, kudá' doó Israeli ngwa hatsiisiye'. Masók kuúng a daqaari'ít baraá tlahhoó Efratawo, nee umuuwók i iiatleeruy baraá Betilehemuwo.