IIMU/UUNGW 35:2 - Biblía Axweesantá Hhohho' ar Mungú 2004

² Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

IIMU/UUNGW 35:2 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:30

A xuú' gár tasa fisiín, a inslawoó úr oo ki/imaá amór baabuúwók una sleér. Ala a milá gár murslaaqatuú munguiieé' kudá' ni haratlintatii' kisa fís?»

IIMU/UUNGW 31:34

Raheli murslaaqatuú munguiidá' guna ar tleér, guri lú/ baraá guruú fala gawaá daanduú angamía, guri al'iwít. Labani iri ló'wa leelehhiít baraá guruú heéma sleémeero, ala gwaa slayká.

IIMU/UUNGW 34:2

Shekemu garmoó Hamori, oo múk Hifi, heé úr oo yaamuudá', Dina ngiwa ár, gari óh ar /uuru, tari alqaát nee inós, gari dasu'uuma hhitín.

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

2 SAMUELI 7:23

Slám baraá yaamuwo muu a gaalá oo ta slaqasi nee mukók oo Israeli? Kudá' Munguúín aa ba/amisár áy as tawa mukós. Muruú urén oo waa/oo/amo guri tleéhh baraá yaamuuwose dír geeraá mukose, umuuwós iri xu'utiít. Giri ba/amisár áy baraá Misri as inós, xoordu giri geeraaín wa guús nee mungui'ine.

2 WAAWITÁ 17:29

Ala xoordu sleémeero kudaá baraá yaamaá Samaria hootá' tana kumiít slaqsa'aá mungú tlehhtuuwo, nee kiri qaás gawaá kiteeridá' taa tleéhh gawaá gongoama' nee múk Israeli. Umuú xoorooro slaqsoó munguúwós guna tléhh guri qás baraá gixsadá' inooín ta hooti.

2 WAAWITÁ 5:10

Elisha hee guri ya/aáw amór Na'amani, nguwa bay, «Tláw, hamtlo aweek baraá yaaér Yordani sagaá wa faanqw, slaqwtók daqaní i adoodií kí/, kuúng tari hhoohhoouúr.»

1 QOM'I 16:26

Asma munguaá xoordaá hatlá' a slaqsa'aá tawo, ala AAKOÓ MUNGÚ doori gina tleéhh.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

WARA'AMI 51:2

Iringér'eene hamaatla hhe'eesáng. Tlakweemaeene hhehhe'eesáng, án hhoohhooeesáng.

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:14

Naagáy Mose iri gawaá tloomár wa aweér, muu guri hhoohhooeés, tlabaaín ngiri hhuuntsiyé'.

TI'INAANGW 23:13

«Muruuwí sleémeero naa kuungá' báw iialooeesaak. Munguaá hatlá' mi firiirimaara', tam umer'ín makawa axaás gawaá aferhunge.»

DAHARUSMO 5:1

Bar amór doó Mungú keér daanqamiís. Asma a gár hhoo' tawa tseewuur nee iia kay qás, ta ilahhooár muruú ta tsu/i adór tidár múk daktana kawa hanisa. Inooín gár hhoo' nee ar tlaakwe ngi partlitiaaká.

ISAYA 1:16

Ti hamtle', ti hheehhe'esé', tlehhmi'iihúng kudá' tlakw hingeesaak dír geeraaeene. Tlakweema tlehhtuuwo mawaak.

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

YEREMIA 16:20

Xáy, hee tiwa munguúwós i tleehh gaqo aleesláya? Aasla'áy, ala barnaxes gwa tleéhh, a munguú loeeká.»

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

ESEKIELI 18:31

Tlakweemaahúng kwisíng taa tlehhité' amór saaw ti kwahhe'. Muunuú hhoó' nee qeeruú /abén slawaak. Xáy múk Israeli, ahaá waáy, gár tas hhaanda'?

ESEKIELI 20:7

Ina báw, ‹Muruudá' aníng ni ahhiit sleémeero kuungá' ta sla'a', kwahhaak amór saaw. Miti meetagamisaara' ar slaqsa'aá munguaá hatlá' awa Misri, asma aníng a AAKOÓ MUNGÚ, Munguúhúng.›

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

TLAHHOÓ LAÁWI 15:5

Umuúqo heé qatanír heewí gaa qoo kwatiiti harihhoóarós a tlabaawós gin hhuunts, nee slaqwtós gari ma'ár hamaatl, nee inós i baraá meeta ay tsiindo.

TLAHHOÓ LAÁWI 17:16

Ala bar tlabaawós gaa hhuuntsiiká nee aa hamtlinká, heewí tlakweemaawós i daanduuwós.»

FAARO 31:24

Bál faanqwe tlabaahúng in hhuntsá', daqaní kuungá' aga hhoohhouuré', daqaní ta datá' baraá xafi.»

Tlehhema'aá ya/Abuuse 19:26

Kuungá' aga aandé' nee aga axasé' adór heewí ta bay Paulo i tlehhiiti. I kaahi, ‹Munguaá ta tlehhiiti ar dabaá muu a munguiwooká.› Inós múk yaariír gwa harakeemiís guri warqeés, ala a diirír gixsár Efeso kiloseeká, ala tam baraá yaamaá Asia sleémeero.

1 Korinto 10:7

Nee slám kuungá' munguaá hatlá' mi haratlintiaara', adoodár muu bahh'ale baraaine aa tleéhh. Asma Gooi i kat, «Muu ina iwiít, tari /ayín nee tari wahán. Aluuwo tari sihhiít as tawa neeti.»

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Galatia 4:8

Qoomaadá' aáng kuungá' Mungú kuwa xui'iiká, kuungá' a lawaalér munguaá hatlá', ala inooín a munguiwooká.

DABE 11:28

Kuungá' tundu lu'us bar hara'ayár AAKOÓ MUNGÚ, Munguúhúng aga iialooesi'iiká, nee loohidá' inós naa ooi, tari munguaá hatlá' sluufmisuú eerá', kudá' kuungá' ta xua'aaká,

DABE 32:16

Inooín nguna dá/tár ayé' ar munguaá hatlá', ar tlehhmi'ii'ín kudá' slasla/arene nguri buhhtisiyé'.

DABE 5:7

«Munguaá hatlá' mi koomaar, aqo har aníng kilooeé'.

DABE 6:14

Munguaá hatlá' mi sluufmisuú awaara', kudaá xoordudá' naa harweeriye',

DABE 7:25

Slaqsi'ii'ín kudá' taa dakuút awa mungui, da/aak. Peésaadá' kira tleéhh, nee sahaábuwo, mi ilatleeruusara', laqaá muruuín kwí mu ar tlawaara' as tawa koohúng. Adoorí bara tlehhé' a tsaaxweeli dirhunge, nee AAKOÓ MUNGÚ, Munguúhúng ga waak.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

YOSHUA 23:7

Kuungá' nee xoorduuká' naa meetiye' ma aldinku'uumisaara', tam muruudá' taa tleéhh hariimár Mungú ló' wa ale, mu sluufmisuú awaara', nee umer'ín ma ateetimaara', laqaá lo'o ma /ayaara' ar umer'ín, laqaá mi sagadiyuusara', nee sleeme mi i tumbarara'amitara'.

YOSHUA 24:14

«Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

YOSHUA 24:2

Yoshua muu sleémeero guri báy, «AAKOÓ MUNGÚ, Munguú Israeli, i kaahi, ‹Aáng baabi'iihúng, Tera, baabuú Abrahamu, nee Nahori afaá yaaér Eufrate ngina hotaatiné'. Inooín munguaá hatlá' ngiri sagadiyuusiyé'.

YOSHUA 24:20

Kuungá' barnaxes AAKOÓ MUNGÚ ugwa gunqaaresé', munguaá /eetuuse kiri sagadiyusé', inós aqo nun al warqáy, nuri slahh'eemiis, nuri xooro qwaarees kitangw nuwa hhooeemáy tlehhahhiít.»

YOSHUA 24:23

Yoshua giri báy, «Gimsé', munguidaá /eetuuse amoosií kwahhaak, kudá' baraá tla/eerihúngií diriiá', daqaní faakisé' baraá munerhunge amór AAKOÓ MUNGÚ, Munguú Israeli.»

Yuda 1:23

Awa hatlá' ba/amisaak ar kiwa baraá asltá wa dafmita'. Bahh'alé i dayá' awa ta gurtlatleera', ala ar magahhato. Tam inqwaruuín aahhaak kudá' taa slasla/aareés nee ilatleerír slaqooín.

HAR'OHUUSE 10:16

Múk Israeli munguiidaá /eetuuse kiri kwaáhh, AAKOÓ MUNGÚ nguri sagadiyuusiyé'. AAKOÓ MUNGÚ muunaáwós iri gurhamuút as slahh'amuú múk Israeli.

RUTI 1:15

Ala Naomi Ruti gari beér, «Ga/aaweek, harér hhiyoó hhawaatuuwók aa kí/ amór mukós nee amór munguiiwós. Gimáy, kiíng sleeme kií/ nee inós ti koonde'.»

1 SAMUELI 16:5

Samueli iri oó', «Eeít, gár tlaakw i káhh. Nina hardáh as AAKOÓ MUNGÚ nguwa ilahhooárií gaas. Gimsé' ti hhohhoeese', daqaní ilahhooár gár ta gaasaan a dinkwár wa haniisaán.» Samueli Yese guri hhohhoeés nee daaqaywose, giri dahi'ís baraá dinku'uumár ilahhooár muruú ta tsu/i.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»