IIMU/UUNGW 35:16 - Biblía Axweesantá Hhohho' ar Mungú 2004

¹⁶ Yakobo nee mukós tari kumiít aaiiwo dír Betelí wa alé. Tawa nakaá/ Efrataro, Raheli asltá xwayla gana iimu/uún ar /uuru.

IIMU/UUNGW 35:16 Iomraidhean Croise

IIMU/UUNGW 3:16

/Ameeni gari báy, «Ar ló', aníng slahh'amaayeerók ngi doók qoomár xwaylaro. Na/ii in xwayluúr ar slahh'amaaye, nee ilatleeriirók a gawaá daanduú hhawaatuuwók, nee inós kiíng i sawaawuti'ín.»

IIMU/UUNGW 35:19

Raheli iri kahhút, kari foól bihhaá loohír Efrata kaw, an Betilehemu.

IIMU/UUNGW 48:7

Aníng niwa kií/ yaamaá Padanír wa alé, Raheli iri loohírí kahhút baraá yaamaá Kana'ani. Slám ka saweeká hardahamuú gixsár Efrataro. Iri gurhaamír úr i geexeér. Naagáy ngiri didár kilá' i foól, bihhaá loohír Efratár kaw. Efrata a gixsadá' laarí ta bay Betilehemu.»

2 WAAWITÁ 5:19

Elisha iri oó', «Kuúng tláw, waátl ar wayda.» Na'amani iri tláy. Dír ira purutsiiká,

1 QOM'I 2:19

Alaá Asuba iwa gwá' Kalebu Efrata gari duúx, inós ina laqwál Huri,

WARA'AMI 132:6

Qaytsiít, kaangós una axaasaán baraá gixsár Efrata wa ale. Una araán baraá qamaá Yearimuro.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

Matayo 2:1

Yesu kuna laqwaál baraá gixsár Betilehemu ar baraá yaamaá Yudea, qoomár waawutmo tawa Herode. Qoomaadae xu'utuuserka ar tsatse/ nina da/aáw wa tleér ay Yerusalemu.

Matayo 2:16

Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

Matayo 2:18

«Afo kana baraá Ramár i axaás, /aa/e nee tsuunqusmoó yaariír, Raheli na/iiwós ale/aa/amiín, tam gurkwa/asa gaa ya/aandiiká asma iwa kahhiya'.»

1 Timoteo 2:15

Ala /ameena ka ba/amis ar xwaylar'ín, barnaxes taa kumiít baraá slafíngw haratlintaaooro nee sla'aari nee hhoohhooeema, dinkwa nee muunuú qoomoó koóm.

RUTI 1:2

Heewí umuuwós a Elimeleki, nee umuú hareerós a Naomi, nee daaqaywós kudá' tsár umer'ín a Mahloni nee Kilioni. Tlahhay'ín a Efrata oo baraá gixsár Betilehemu ar baraá Yuda. Tari hardáh yaamaá Moabu, niri ayaadá' wa hootiyé'.

RUTI 4:11

Bariiseedá' didí dirii' nee mukdá' sleémeero tari oó', «Eeít, atén a lamabu'uuse. AAKOÓ MUNGÚ masók /ameenisíng baraá do'ók i dah gan adór Raheli nee Lea tleehh, kudá' doó Israeli ngwa hatsiisiye'. Masók kuúng a daqaari'ít baraá tlahhoó Efratawo, nee umuuwók i iiatleeruy baraá Betilehemuwo.

1 SAMUELI 10:2

hamí bara diirí wa tleér, ti dogá' nee hhawaataá tsár dír iisaapoó /aantár Raheli, didár Selsa baraá yaamaá Benyamini. Inooín turi bay, daqwaayeedá' taa leelehhtuú eeré' kaa sláy. Hamí baabuúwók guruuwós in hamiis as kuúng, i kaahi, ‹Adór ni laaq daanduú garmaaeene?›

1 SAMUELI 4:20

Tam qoomár iwa istá gwa'arárií diri', /ameenadá' gaa aslaeer, gari beér, «Ma da'iimitaar, asma na/oó garma ugwa xwayluúr.» Ala inós axweesantadá' ga tlaxwká, tam gaa gaárí xu'uká.