IIMU/UUNGW 35:11 - Biblía Axweesantá Hhohho' ar Mungú 2004

¹¹ Mungú guri báy, «Aníng an Munguú duú Aleesleemusmoó mura' sleémeero, kumiít tawa doogiin. Xoordaá yaariir nin baraawók wa ti'iitiyá', nee waawitá sleeme.

IIMU/UUNGW 35:11 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 13:16

Aníng xwaylarók a ureés ngari adór teerír yaamu tleéhh. Barnaxes hee teerír yaamu faarooro ga aleesláy, daqaní xwaylarók sleeme ga aleesláy faarooro.

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 17:4

«Aníng alqador'eé' ngi dirógií tleéhh, kuúng a baabuú xoordaá yaariir tleehhít.

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

IIMU/UUNGW 18:18

Barqo Abrahamu inós un xoorór ur tleéhh, nee ar baraá inose xoordu sleémeero awa yaamu kin tsuuq?

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

IIMU/UUNGW 32:12

Inslaweek kuúng án ina al'axweesántí hanís ar iwa hhooárí tlehh, nee xwaylar'eé' kawa tlahhas adór hhasángw afaá tlawi, kudá' faaro ga ya/aamaaká.»

IIMU/UUNGW 36:31

Kuká' an waawituú aa waawuti'in baraá yaamaá Edomuwo, qoomár baraá Israeliwo waawuti'iima iwa kahh.

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

IIMU/UUNGW 46:3

Iri oó', «Aníng a Mungú, Munguú baabuúwók, ma da'ayumiitaar tawa Misrírí /et, asma aníng kuúng u xoorór ur tleéhh baraá ayaaqane.

IIMU/UUNGW 47:27

Múk Israeli iri hoót baraá yaamaá Misrír wa alé, dirka ta bay Gosheni, daqaari'iima kari sláy, tari doogín nee tari ló' wa tlaáhh.

IIMU/UUNGW 9:1

Aakoó Mungú Noa guri tsuúq, nee daaqaywose, giri báy, «Laqwaalé', doogaagimé', yaamu hatsiisaak.

IIMU/UUNGW 9:7

«Kuungá' laqwaalé', doogaagimé', laqwaalé' ló'wa ale, yaamu ki hatsiisá'.»

1 QOM'I 16:16

Alqadoodá' aa oó' dír Abrahamu, nee al'axweesantós tidá' aa lo'ór wa /aáy dír Isaka,

1 QOM'I 16:17

tidá' aa gawdeés dír Yakobo tawa adór kaahi, nee dír Israeli tawa adór alqadór alhhe'eesay wasl,

1 QOM'I 16:18

iwa oó', «Yaamaá Kana'ani ngi haniís tawa aalirhúng.»

TI'INAANGW 1:7

Ala xoorór Israeli iri ló'wa laqwál, iri doogiín, tari tlaáhh, inooín tari xoorór /uuruú koom, yaamuudá' ngiri hatsisiyé'.

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

TI'INAANGW 6:3

Nee aníng tina gehhooatís dír Abrahamu nee Isaka nee Yakobo, tawa adór Munguú Aleesleemuú koóm, ala umuueé' kwí tiwa babay AAKOÓ MUNGÚ ugwa dir'iní xu'utisiiká.

TLAHHOÓ LAÁWI 26:42

aníng daqaní alqador'eé' an insláw, tidá' naa tleéhh nee Abrahamu, nee Isaka, nee Yakobo, nee yaamuudá' ngi al'axweés ngiri insláw.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»