IIMU/UUNGW 35:1 - Biblía Axweesantá Hhohho' ar Mungú 2004

¹ Munguú Yakobo guri báy, «Tláw, tsa/ám ay yaamaá Beteli, ta amoodá' wa hót. Nee amoodaádae aníng ir kitángw ilahhooárí tléhh. Aníng a Mungú kudá' ugwa i ti'iit qoomár Esau hhiyaawók kuwa ilaagóp.»

IIMU/UUNGW 35:1 Iomraidhean Croise

IIMU/UUNGW 12:8

Abramu iri didá' wa tláy, iri hardáh ay yaamaá goongoama bihhaá da/aáw awa gixsár Beteli. Heémarós gari didií kikií', gixsár Beteli i bihhaá /uwa, nee gixsár ta bay Ai i bihhaá da/aáw. Kitángw ilahhooa guri tleéhh, umuú AAKOÓ MUNGÚ guri ateetín baraá firoorose.

IIMU/UUNGW 16:8

Malaykamo gari yaahaás, «Hagári, kiíng sagadiyuso'ór Sarai a dáhh, nee kiíng a keér?» Hagari iri ilawáts, iri ó', «Án aamar'eé' Sarai ngina ilagoów.»

IIMU/UUNGW 22:14

Abrahamu yaamuudá' giri báy, «AAKOÓ MUNGÚ ngi haniis.» Adoodá' kar ateetin tam de'emuuká', «Gawaá tloomár AAKOÓ MUNGUHE kingi haniis.

IIMU/UUNGW 29:1

Yakobo ina kumiít aaiiwose, iri hardáh baraá yaamaá múk da/aáw.

IIMU/UUNGW 31:13

Án an Aakoó Munguúdá' nee kuúng taa doogaan amoodár Beteli, didá' tlaa/ano kuwa parátl kway di/ití tsiririxís, iri al'axweesántí ó'. Daxta tláw baraá yaamukae, kií/ baraá yaamuudá' tuwa laqwaál.› »

IIMU/UUNGW 31:3

An qoomár AAKOÓ MUNGUÚ Yakobo nguwa báy, «Kií/ baraá yaamaá taati'iiwók nee mukók, án nee kuúng a dinkwa.»

IIMU/UUNGW 34:31

Inooín tari oó', «An gár hhoo' xáy, hho'oorén ngiwa adór tsaatuso'o tleéhh?»

IIMU/UUNGW 35:15

Yakobo didá' gari báy Beteli, didá' Mungú iwa axweés nee inós.

IIMU/UUNGW 35:7

Kitángw ilahhooa guri tleéhh. Didaádá' gari báy El-beteli. Asma an didá' Mungú nguwa i ti'iít, qoomár iwa goów as hhiyaawós.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 47:4

Inós yaamaá atén ta aalaan ngina tsawaár, yaamaá diihhoo' awa múk Israeli, kudá' aa slaá'.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

TI'INAANGW 2:15

Qoomár Farao kaangwí nguwa axaás, Mose guri leelehhiít as nguwa gaasi. Mose Farao guri ilagoów, iri hotaá áy baraá yaamaá Midiani. Looarka wake qoomár Mose iwa afaá hhalángw ma'aáy wa iwiiwiti,

HOSEA 12:4

Tina tlaampa'asiyé' nee malaykamo guri ar baá/, guna i /aa/amín gurtleemu guri firín. Inós nee Mungú tiri doogiyé' baraá Beteli, amoodae inós nee Mungú tari axweés.

NAHUMU 1:15

Gawaá tlooma i qaatsitaak, ga/aawaak heé ya/abtór hho' ngi huúw, heé wayduú dahareemiís. Aá Yúda, deelorhúng ar ur tleehhaak, al'axweesantahúng boo/eesaak, asma heedá' tlaákw nu baloó tlaampa'aasiiká, asma kwaa qaroó suwa tsaát.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.

1 SAMUELI 10:3

Didae bara geerií kumít ay ti'ituú Tabori, nee didae nee múk tám ti dogá' oo amór Mungú káw amdár Beteli, oo wák i deeloó tám kón oo aara, nee oo hatlá' i mikaátér tám kón, nee oo hatlá' i tlakoó kaahartá kón oo difaái.