IIMU/UUNGW 34:7 - Biblía Axweesantá Hhohho' ar Mungú 2004

⁷ Qoomaadár kilae daaqoó Yakobo nina baraá de'éngw wa waátl. Kaangwí nguwa axaasiyé', tana ló'wa gurhamuút, tana buúhh, asma gaarí ka alsi'ím dír múk Israeliwo ar dasír Yakobo kawa /uurúr óh, kari dasu'uuma hhitín. Asma gaarí a gár ta waki ló' wa ale.

IIMU/UUNGW 34:7 Iomraidhean Croise

IIMU/UUNGW 20:9

Aluuwo Abimeleki Abrahamu guri ateét guri báy, «Gaarí naa atén i tléhh a milá, án kuúng gár uwa sadakuús a milá, ar kuúng tlakweemaaká' ur ngiwa daanduueéní qás, nee waawuti'iimar'eé'. Tlehhma'aá naa daanduueéní tléhh, i aníng wa harina'aaká.»

IIMU/UUNGW 34:6

Hamori baabuú Shekemu iri tláy as nee Yakobo tawa axweesi.

IIMU/UUNGW 34:8

Hamori iri axweés nee inooín giri báy, «Garmaaeé' Shekemu dasirhúng gaa waatlakweés. Na'asé', haniisare' ngi duuxi.

IIMU/UUNGW 46:7

Daaqaay nee daaqoó daaqaywós, dasuuwós nee dasuú daaqaywós, nee xwaylarós sleémeero, gina huúw ay yaamaá Misri.

2 SAMUELI 13:21

Waawutmo Daudi kaangwí nguwa axaás, iri kángw kilá' wa buúhh.

WARA'AMI 93:5

AAKOÓ MUNGÚ kaahirók ar tsáp, nee Do'ók ku ló'wa hhoohhoó' ay alhhe'eesay wasle.

AXWEESANOÓ SAGALOOA 7:7

Masoombár yaariir ar xuaawaslen ana ár, masoomoó wák oo funqurángw koomaaká, nguri baraá tla/ángw masoombár i tsaáhh.

YEREMIA 29:23

Inooín adoorí gin sleér, asma alsi'imu nguna tleehhiyé' baraá yaamaá Israeliro. Inooín fuqi kana tleéhh nee tlaawoó muu, nee lama kana tlaáq ar umuú AAKOÓ MUNGÚ, gár anuú AAKOÓ MUNGÚ ngaa bawiiká kana tlehhiít. Aníng tí a xuú', aníng a lamabu'usmo. Anuú AAKOÓ MUNGÚ tí ngina oó'.»

TLAHHOÓ LAÁWI 4:13

«Barnaxes dinku'uumár xoorór Israeli tlakweema gaa tléhh ar adór taa haraxuiiká, gár nee hara'ayár Mungú ti slawa'aaká kari tleéhh, inooín tari dakuús.

TLAHHOÓ LAÁWI 4:2

«Xoorór Israeli ka beeto, bar hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, adór i tleehhi a tí:

TLAHHOÓ LAÁWI 4:27

«Barnaxes a heé geeraharusmowooká tlakweema gina tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, inós iri dakuús.

1 Korinto 10:8

Nee slám atén tsaatu'uuma mawa tleehhaán, adoodá' inooín bahh'alé naa tleehhiyé', múk kume mibeeri tsár nee tám iri qaátl baraá looár wák i alé.

1 Korinto 6:18

Gawaá adoorihe kuungá' fuqi ilaguwaak. Umuúqo tlakweemaá hee i tleehhi, gi slaqwtósí tlehhiitiiká. Ala heé fuquús, inós slaqwtós gan tlakweemií tlehhiit.

Efeso 5:3

Ala tsaatu'uuma nee slasla/areemaá dimbadimbé, nee ilatleeri, muruuwí mukuwa baloó oó' dirhunge, as kuungá' tawa múk hhohhó' oo Mungú.

DABE 22:20

«Barnaxes adoorí ar ló' nee lamabu'úngw dáw i kaahh adór inós nee hhaawaata tara alqatiiká,

DABE 22:21

inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.

DABE 23:17

«Heé Israeli oo hhawaata laqaá /ameeni i baloó harinká iwa fuquusi dír doó munguaá hatlá' wa aleeró.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

Yakobo 3:10

Gawaá afkwihe gár ti'imiit a tsuuqa nee lo'o. Gawaá adoorihe hhaee'eé', muruú adór kwí miwa tleehharuút.

YOSHUA 7:15

Heé naa harati'iít oo muruudaádá' taa paraátl gu koóm ku daa/ baraá asla, inós nee múk do'ose, nee muruudá' sleémeero i kona. Asma alqador'eé' gaa sií', gár alsi'ím gaa tleéhh baraá múk Israeliwo.»

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

HAR'OHUUSE 20:6

Aníng /ameenir'eé' ngiri taataáhh, ngiri tlaáq umuúqo diqito'ooro, ngiri huúw baraá yaamu sleémeero awa múk Israeli, as gár tlaakw ar adór tí naa tleehhiyé', nee alsi'imuú adór kwí baraá Israeliwo.