IIMU/UUNGW 34:27 - Biblía Axweesantá Hhohho' ar Mungú 2004

²⁷ Daaqoó Yakobo ina haraatláy, mura' sleémeero oo baraá gixsadá' kuri hayóh, asma hho'or'ín kawa dasu'uuma hhitín.

IIMU/UUNGW 34:27 Iomraidhean Croise

IIMU/UUNGW 34:2

Shekemu garmoó Hamori, oo múk Hifi, heé úr oo yaamuudá', Dina ngiwa ár, gari óh ar /uuru, tari alqaát nee inós, gari dasu'uuma hhitín.

IIMU/UUNGW 34:26

Hamori nee garmaawós Shekemu kiri tsuú/ ar paánga, Dina kingari ar tláy dír doó Shekemu wá ale.

IIMU/UUNGW 34:28

Bee/angw'ín kuri hayóh, nee hikwaaín nee daqwaayer'ín nee múk baraá gixsar'ín, nee mura' sleémeero oo baraá xatsooín i diriia.

IIMU/UUNGW 34:31

Inooín tari oó', «An gár hhoo' xáy, hho'oorén ngiwa adór tsaatuso'o tleéhh?»

ESTA 9:10

Mukwí an daaqoó mibaangw oo Hamani garmoó Hamedata, wakusmoó múk Yahudi, ala muruuín kwaa haasaáng wa hayohiiká.

ESTA 9:16

Múk Yahudi oo hatlá' oo baraá ayeemaá waawutmoó hootá' tana burumburiít slafingw'ín nguwa xuna', amohhooa kay sláy dír wakuuser'ine, kudá' inooín ngi ahhiitá' kina tsuú/ muu kume mibeeri faanqw nee kooán, ala baraá muruuine gár taa haasaáng wa ar tláy i káhh.

TI'INAANGW 2:14

Heedaádá' iri oó', «Heé kuúng ugwa qaas tawa heé úr daanduurene, nee tawa har'ohusmoorén a heemá? Aníng i gaasár wa slá'a adór heedaáduú Misri kura gás?» Mose iri da'ayuút, iri baraá guruuwós i oó', «Looeemaawo gadaádá' aa xu'utít.»

ESEKIELI 39:10

Migír ngu ay'aaká baraá slá/tí ale, laqaá xaai ngi tlaquú ay'aaká baraá darma, asma xooslaadár slaqwara ngin ásltár oohamisiyá'. Inooín daqaari'iimár mukdá' aáng daqaari'iimar'ín gaa hayoh ngin hayohír, nee muruú mukdá' muruuín gwa ar tlay ngun ar tlayá'. Anuú Aakoó MUNGÚ tí aga oó'.»

AMOS 3:11

Gawaá adoorihe Aakoó MUNGÚ i kaahi, «Wakusmo ni hardah, yaamu giri harweer bihhe sleémeero, inós /uuruuwók kudá' tar hhawaati'iimaamis gway yaamií daahh, koo/irók tidá' gawit kari hayóh.»

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.

YOSHUA 7:1

Múk Israeli inkihhimu gwa tleehhiiká daanduú muruudá' tawa oó' ku hhaamisi, ala Akani garmoó Karmi garmoó Sabdi, garmoó Sera, oo tlahhoó Yuda, muruudá' tawa oó' ku hhaamisi inós guna bahh qawti ar tláy, AAKOÓ MUNGÚ iri daa/atúy buhhtaawo dír múk Israeli.

YOSHUA 7:13

Sihhiít, muu hheehhe'eeseek nee ti amohhe'eesiye', matlo tindiwa dír geeraaeé' hardihi. Asma aníng AAKOÓ MUNGÚ, Munguú Israeli, muu gár ngu baw i deer. Asma xosluudá' aníng niwa oó', qororo'oosaak, i baraá tla/angwhúng i dirii'iyá'. Gawaá adoorihe kuungá' sihhtanór geeraá wakuuserhúng a aleesleera'aaká ay dír xosluudá' ki qororo'osa' baraá tla/angwhunge.

YOSHUA 7:21

Tlawuuko wák oo hhoohhoó', oo Shinárír daáhh una ár baraá tla/ángw haasaáng wa ale, nee muqslír /awaak ar ta tlehhahhiti ar peésa ar har afiqoomoó kílo tsár, nee hhartá niina ar taa tleéhh ar sahaábu, iilooeemaawós a har afiqoomár tlaqtá kílo, muruuwí nguri waatlakweés, nguri ar tláw, nguri luú/ baraá guruú xaftaeé', nguri yaamií foól, slám peésa i baraá guruudií dirí'.»