IIMU/UUNGW 34:2 - Biblía Axweesantá Hhohho' ar Mungú 2004

² Shekemu garmoó Hamori, oo múk Hifi, heé úr oo yaamuudá', Dina ngiwa ár, gari óh ar /uuru, tari alqaát nee inós, gari dasu'uuma hhitín.

IIMU/UUNGW 34:2 Iomraidhean Croise

IIMU/UUNGW 10:17

nee múk Hifi, nee Arki nee Sini,

IIMU/UUNGW 20:2

Abrahamu daanduú hareerós Sararo iri oó', «Tí an hho'or'eé'.» Abimeleki waawutmoó Gerari muu guri ya/aáw Sara kawa huwi amoorós.

IIMU/UUNGW 33:19

Didá' aa i tleehhiít gana tlaáxw dír múk Hamorír wa alé, baabuú Shekemu, ar peésár tsiiru.

IIMU/UUNGW 34:27

Daaqoó Yakobo ina haraatláy, mura' sleémeero oo baraá gixsadá' kuri hayóh, asma hho'or'ín kawa dasu'uuma hhitín.

IIMU/UUNGW 34:3

Muunaáwós dasiirír Yakobo gari ló' wa slaá'. Dasiirí gari i axweés ar axweesantá hho'.

IIMU/UUNGW 34:30

Yakobo Simeon nee Laáwi giri báy, «Iga slahh'esé' iwa heé tlaákw tlehhé' baraá tla/ángw múk ayaawihe, múk Kana'ani, nee múk Perisi. Aníng muk'eé' ku niiná, birta i burumburiít, tin muux, án nee múk dooeene tiri qwaarees.»

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

2 SAMUELI 11:2

Loarka wake, qoomár tsiindowo, Daudi ina qatuú wá tláy, iri tsa/án gawaá daanduú doó waawutmo. Qoomár iwa gawaá geehhoudá' wa hi'iimiti, /ameenír wák gana ár i hamtliín /ameenír tsataari hho', hhohh'ariro ila' gin hayót.

2 SAMUELI 11:4

Naagáy Daudi muu guri ya/aáw as /ameenidá' kingiwa amoorósií huwi. Naagáy Bat-sheba iri hardát amór Daudi, Daudi nee /ameenidá' niri qaatiyé'. /Ameenirí hariímaarós ina sangw wátl, kár iri kí/ amór do'ós.

2 SAMUELI 13:14

Ala Amnoni gaa slaika ngiwa iiári qaasi, nee ngiwa sangw aleesláy /uuruwo, gana óh, tari alqaát nee inós.

YOBU 31:1

«Aníng aga tsabiím, a baloó qaytaaká amór dasi as ngiwa ilaatleeruus.

YOBU 31:9

Barnaxes harér hee aga waatlakweés, naxes aga qoo mareexu'úngw áw afkú doó inslaawmooeé',

AXWEESANOÓ SAGALOOA 13:20

Heé hi'iimamiít nee múk sagelooén, sagalooa ga sláy, Ala mulqumoó heé daktani slahh'amu gu sláy.

Matayo 5:28

Ala án a kah, umuúqo heewo oo /ameeni gaa alqaytsiit ar ilatleeri aa fuquús nee /ameenidá' baraá muunaáwose.

DABE 21:14

Barnaxes aluuwo aga qusú/, ka meér, i diyaa/at amoorós ar i sla'. Ma weerisaar as peésa kawa sleer, laqaá ma adór lawaalo'o tleehhaar, asma aáng nee kuúng aga alhoté', tawa hareerók.

DABE 22:24

inooín tsaraawo duuxaak baraá gixsaro nee ki tlaqutá' ar tlaa/e ay dír i qatliya'. Dasiirí in hariín kawa tlaa/ér tlaquuti as inós iwa tseiká, as kawa alee/isi, inós iqo baraá gixsárí dirí'. Hhawaata aqo kun gaas asma dasír inslaawmoowós i lehhiiti ga alsi'imúr áy. Adoorí an adoodá' tlakweema kir hingeesa' baraá tla/angwhunge.

DABE 22:29

hhawaatuuwí baabuú dasiidá' gun buu' ar parhheemaá mibeeri kooán awa peésa, asma dasiidá' gana /uurúr óh, nee dasiidá' aqo an hareerós, as ma adoodá' ngiwa alsi'imúr áy i baloó ya/andaaká ngiwa si'i baraá slafiingós sleémeerowo.

YOSHUA 9:7

Aluuwo múk Israeli iri oó' dír múk Hifi, «Atén nee kuungá' gár al'axwesantá wayda kas alkaahaan a milá? Hám wané kuungá' tundu yaameerí tseéw.»

HAR'OHUUSE 14:1

Looarka wake Samson ina /eét ay baraá yaamaá Timna, baraá ayaadae dasirka wák ar Filisto'o gana ár.

HAR'OHUUSE 9:28

Ga'ali garmoó Ebedi iri oó', «Abimeleki a heemá? Ateéká' Shekemu a múk adoomá tam Abimeleki nguwa sagadiyuusaan? Gideoni nee Sebuli Hamori baabuú Shekemu nguna sagadiyuusiyé', asma milá atén gár Abimeleki ngus sagadiyusaan?