IIMU/UUNGW 33:17 - Biblía Axweesantá Hhohho' ar Mungú 2004

¹⁷ Yakobo iri kumiít ay Sukoti, do' guri tleéhh nee slumo giri tleéhh as hikwaawós. Umuú didá' kuri báy Sukoti.

IIMU/UUNGW 33:17 Iomraidhean Croise

IIMU/UUNGW 33:16

Naagáy Esau iri kií/ baalaadár kilae ay Seiri.

1 WAAWITÁ 7:46

Waawutmo dír muqslaadá' ngiwa weeqatís a baraá xatstá Yordani, dír hhapeedár tleei ar tla/ángw Sukoti nee Saretani.

WARA'AMI 60:6

Mungú ina axweés dirós tidá' hhoohhoó' wa ale, iri oó', «Shekemu a qasiís ar qwala/, xatstá Sukoti ngari qoomeés qasiisaro.

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 13:20

Xooroodá' iri Sukotír wa tleér, xafaay guri tléhh dirka ta bay Etamu, alhhe'eesoó xaanxaydá'.

YOSHUA 13:27

nee gixsadu sleémeero awa baraá xatstá Bet-haramu, nee Bet-nimra nee Sukoti nee Safoni nee yaamaá waawutmo Sihoni awa na meetiye', kudá' aa waawuti'in Heshbonír wa ale, yaamuuká' digmuuín a yaaér Yordani ay alhhe'eesoó tlawtá Kinereti ay gayuú da/aáw oo Yordani.

HAR'OHUUSE 8:14

Garmaako Sukoti guri óh guri yaahamiís. Garmaawí umér geeraharuusér Sukoti gari gooín, dinkwaaro a mibeeri faanqw nee faanqw.

HAR'OHUUSE 8:16

Aluuwo, bariisér Sukoti kari iintsaahhatimís hhawaate sleémeero ar slaqooín ngiwa karslamisiya' ar laqeelo nee ar fuquráy.

HAR'OHUUSE 8:5

Naagáy qoomár tawa hardáh Sukoti, Gideoni múk Sukoti guna báy, «Na'asé', hhaee'eé' kuká' mikaátérír haniisaak, asma naa ló'wa slaaqamiitiyé', ala aníng a kumiít waawituú Midiani nguwa aluú wa eehar, Seba nee Salmuna.»

HAR'OHUUSE 8:8

Ina didá' wa tláy ay amór múk Penueli, giri adoodár firín. Múk Penueli nguna mu/aywatsiyé' ar adór múk Sukoti.