IIMU/UUNGW 33:14 - Biblía Axweesantá Hhohho' ar Mungú 2004

¹⁴ Daxta án kuúng u firiím, kuúng giiriím, nee aníng ni aluú wa tseegamiís ar adór hi'iitantá na/ii nee hikwa, ay dír ni amoorók i hardahaan baraá yaamaá Seiri.»

IIMU/UUNGW 33:14 Iomraidhean Croise

IIMU/UUNGW 32:3

Yakobo ya/abuuse gari geerakawís amór hhiyaawós Esau, amór Seiri baraá yaamaá Edomu.

IIMU/UUNGW 32:4

Gina hara'ayín, iwa kaahi, «Adoorí an adór aakooeé' Esau ku beera', ‹Sagadiyusmoowók Yakobo i kaahi, Aga hoót ar dahi'iima dír Labani wa ale ay hamí.

IIMU/UUNGW 33:13

Yakobo iri oó', «Aakooeé', kuúng a xú' adór na/ii tar qaweero, malé alé bee/aangw nee hikwa awa ni koom i du'umisiyá'. A hariím ngiwa amohhe'eemiis. Asma mura' bura harakeesaán baraá looár wák i alé, i qaatl sleémeero.

2 QOM'I 20:10

«Hamí ga/aaweek múk Amoni, nee oo Moabu nee múk tloomár Seirír daáhh, kudá' kuúng múk Israeli kuwa ilá/ as mukwí mukuwa i haratláy, qoomár inooín niwa baraá yaamaá Misrír wa ti'iitiyé', nee nguna afií wa oohiyé' as mikiwa hhaamiís.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ESEKIELI 25:8

Aakoó MUNGÚ i kaahi, «As múk Moabu tawa oó', ‹Múk Yuda a slaqás nee xoordaá hatlá'›,

Marko 4:33

Axweesantós gana alki/iít dir'ín i alé ar slaqsa'aá yaariir awa adoorí, ar har qoomoó inooín axaasaro taa aleesláy.

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

1 Korinto 3:2

Án kuungá' nuna /aymiís ar ilwa, slám ar muruú /aymár gawdeneeká. Asma muruú /aymár gawdén u aleesleera'aaká. Nee tam hamí sleeme u aleesleera'aaká.

DABE 2:1

«Naagáy aluuwo tari alií warqawaán, aaiiwo tari kumiitaán ay baraá xaanxaay, tari amór tlawtá Shamu xuaán adoodá' AAKOÓ MUNGÚ iga báy. Ana tongaanumaamisaán afiqoomár yaariire isaapoó tloomár Seirír wa ale.

HAR'OHUUSE 5:4

«Aá AAKOÓ MUNGÚ, qoomár tawa Seirír dahh, qoomár tawa Edomúr dahh, yaamu nay daaraxaatiyé', doori ma'aay ngay paahhamiisiyé', eeít, huunkáy tluwaay nguri paahhaás.