IIMU/UUNGW 33:13 - Biblía Axweesantá Hhohho' ar Mungú 2004

¹³ Yakobo iri oó', «Aakooeé', kuúng a xú' adór na/ii tar qaweero, malé alé bee/aangw nee hikwa awa ni koom i du'umisiyá'. A hariím ngiwa amohhe'eemiis. Asma mura' bura harakeesaán baraá looár wák i alé, i qaatl sleémeero.

IIMU/UUNGW 33:13 Iomraidhean Croise

IIMU/UUNGW 33:12

Naagáy Esau iri oó', «Góh, a kumiitaán aaiiwo, aníng kuúng u geerahaár.»

IIMU/UUNGW 33:14

Daxta án kuúng u firiím, kuúng giiriím, nee aníng ni aluú wa tseegamiís ar adór hi'iitantá na/ii nee hikwa, ay dír ni amoorók i hardahaan baraá yaamaá Seiri.»

1 QOM'I 22:5

Daudi iri baraá muunaáwós i oó', «Doó AAKOÓ MUNGÚ kudá' garmaaeé' Solomon i tleehhi, masók ku hhoohhoó', nee masók xirfuuwós ku iia tleér baraá yaamuwo. Ala inós ku niiná, aa kwa/iiká, gawaá adoorihe aníng xooslár tlehhma a amohhe'eés.» Daudi tiri amohhe'eés, xooslár yaariir gari sláy dír ira gwaiiká.

WARA'AMI 78:71

Guna hingeés baraá de'éngw bee/aangw nee deeloó bee/ángw wa ale, as mukós Yakobo nguwa de'en, kuduú Israeli oo aalirós.

AXWEESANOÓ SAGALOOA 12:10

Heé hotaawós ganaá'á tam slafíngw hikwaawós gun gár i xuu'. Ala gurtleemuú heé tlaákw a xarasleema.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

1 SAMUELI 6:10

Naagáy mukdá' adoorí gari tleéhh, hikwaá tsár awa du'umiisá' kiri gaárírí tseék, nee damay'ín kiri ilaá/ baraá matla/aangw.