IIMU/UUNGW 33:10 - Biblía Axweesantá Hhohho' ar Mungú 2004

¹⁰ Yakobo iri oó', «Aasla'áy, án kuúng bira ya/aán, na'ás, muruueé' kwí ni koom ooheek, án kuúng uwa ár a adór heé gitsee/aá Mungú gaa ar, ar adoorí aníng kuúng ira ilaaót ar gurhhooa.

IIMU/UUNGW 33:10 Iomraidhean Croise

IIMU/UUNGW 19:19

Ga/aaweek, lawaalmoowók ya/aám gaa sláy dír ilaawoge, kuúng gurtleemuuwók ngwa dók baraá tisíng naa aníng i tléhh ar slafingw'eé' kuwa ba/amís. Aníng guwoó gawaá tlooma u aslawká, as mitiwa sláy nee tidá' tlaakw, án niri gwaá'.

IIMU/UUNGW 32:30

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

IIMU/UUNGW 33:11

Na'ás, muruuwí ni hanmiis na ooheek, asma Mungú muruuwí ngwa aníng i haniís, slám aníng muruú bu'uút u koóm.» Guri harakeés nguwa ilaoohi, guri ilaaóh.

IIMU/UUNGW 33:9

Ala Esau iri oó', «Hhiyaaeé', án daqaari'iimár bu'uut a koóm. Tisíng ta koon tók tiwa amohhe'eemis.»

IIMU/UUNGW 43:3

Yuda iri oó', «Heedaádá' adoorí ngina gawdeés, iri oó', ‹Kuungá' gitsee/aaeé' i aanda'aaká bar nee hhiyaahúng kudá' niiná ti koonda'aaká.›

IIMU/UUNGW 47:29

Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

IIMU/UUNGW 50:4

Deeloodár tsuunqumis iwa waaráhh, Yosefu iri axweés dír múk doó Farao. Gár aa oó' a tí, «Án bira ya/aandé' tla/angwhunge, ooaré' dír Farao, ku beera', Baabuúeé' án iga lo'ór /aymiís. Gár iga báy a tí,

2 SAMUELI 14:24

Ala waawutmo iri oó', «Absalomu amoosíng saaw ngiwa hooti dir'ene, i amór do'ós wa hooti. Mindiwa amoorí káy, aníng iwa ari.» Gawaá adoorihe Absalomu iri amór saáw wa hoót dír do'ós wa ale, nee waawutmo Daudi gwa ariiká.

2 SAMUELI 14:28

Absalomu ina Yerusalemúr wa hoót kureeraá ád koomá' tsár, ala tam gitsee/aá waawutmo Daudi gaa ariiká.

2 SAMUELI 14:32

Absalomu guri báy, «Qaytsiít aníng nina amooroógi ya/abiím, niwa amor'eé' keer as aníng kuúng uwa ya/aaw amór waawutmo, kuwa yaahas, ‹Áx, gaa a milá ar aníng nisa tláw amór Geshuriro? Amor'eene i qoón aníng bara amoodií meét.› Hamí aníng ale/iisáng, waawutmo nguwa ar. Barnaxes a dakuúsár koóm, kár i gaasi.»

2 SAMUELI 3:13

Daudi guri mu/aywaáts iri oó', «Kahhoo', gimáy a al'axweesaán. Gím gár wák ar ni slaa' diroge dír án nee kuúng tira araniiká, gár geera ar slahhaa' a Mikali dasír Saulo ngin húp. Daqaní án kuúng iri aán.»

YOBU 33:26

Heedaádá' Mungú guri firín, nee firoorós Mungú gari ya/án, Mungú guri sluufmiis ar qwala/, Mungú guri xirfuuwós i ki/ís.

WARA'AMI 41:11

Barnaxes wakusmooeé' aníng iga arba/iiká, daqaní aníng a xuú' adór aníng kuúng ir slá'.

YEREMIA 31:2

Anuú AAKOÓ MUNGÚ a kah, «Mukdá' naa dír tsu/utár wa /uy, qeemu ngwa slayé' baraá xaanxaywo, qoomaadá' múk Israeli dír huungu/uusa kawa leelehhiít.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Geehhoeemaá 22:4

Inooín gitsee/awós ngi ga/ayá', nee umuuwós kwaa gawaá gitsee/er'ín i gooín.

RUTI 2:10

Ruti iri xupú', gitsee/awós giri kwatít ar yaamu. Boasi guri beér, «Adór aníng kuúng ira xú', anír dahaayo'o, tam aníng iri i axwés ar gurhhooa?»

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»