IIMU/UUNGW 32:6 - Biblía Axweesantá Hhohho' ar Mungú 2004

⁶ Ya/abuuseedá' iri kí/ amór Yakobo, kuri báy, «Ana hardahaán amór hhiyaawók Esau, inós i loohír i dirii' as uwa ilaoohi, nee múk tsiire tsiyáhh ti koná'.»

IIMU/UUNGW 32:6 Iomraidhean Croise

IIMU/UUNGW 31:18

Muruuwós sleémeero gurir tláy, dinkwa nee daqaari'iima sleémeero tidá' aa sláy baraá yaamaá Padan-aramúr wa ale. Aai gay tseék awa ki/imaá baraá yaamaá Kana'ani, amór baabuúwós Isaka.

IIMU/UUNGW 32:11

Án kuúng u firiím, ba/amisáng daxta baraá dabaá hhiyaaeé' Esauwo. Asma án inós u da'ayumiiít tiwa haramuki, nee sleémeero tiri tsuu/, ín aayo dinkwa nee na/iiwo.

IIMU/UUNGW 32:7

Yakobo iri ló' wa da'ayuút iri amoqwaár. Mukdá' nee inós dinkwa guri qasiís baraá daqooroó tsár, bee/aangw nee muruú hatlá' nee angamía,

IIMU/UUNGW 32:8

iri baraá muunaáwós i oó', «Barnaxes Esau daqtá wák gaa i hardáh nee gari hhaamiís, ala tidár hatlá' aa /uúr.»

IIMU/UUNGW 33:1

Yakobo iwa qaytsiít, Esau guri ár, iwa hi'iiti nee múk tsiire tsiyáhh. Na/iiwós giri qasmiís dír Lea nee Raheli, nee sagadiyuuser'ín tidá' tsár.

IIMU/UUNGW 33:15

Esau iri oó', «Muu ngu bahh geexáw, oo kuúng u alee/iís.» Yakobo iri oó', «Gár muu i káhh, án kuúng bira sa ya/aán.»

IIMU/UUNGW 33:8

Esau iri oó', «Boo/aywí nee aníng taa doogaan oo milá?» Yakobo iri oó', «Ana harahhiíf iwa ilaaot, aakooeé'.»

IIMU/UUNGW 34:11

Shekemu baabuú Dina nee hhaeewós giri báy, «Án ya/aamaré', umuúqo gár ni oa'a aníng ngi haniís.

IIMU/UUNGW 47:25

Tari oó', «Kuúng slafingwrén uga ba/amís. Na'ás, aáko, atén kuúng birta gurtleér, daqaní atén a lawaalér Farao.»

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.

RUTI 2:13

Ruti iri ó', «Aáko, kuúng tu ló'wa hhoó' dir'eene. Asma hhooeemaá naa axwés daanduueene aníng iga ló'wa gurkwa/asiyé', tam handá' aníng adór sagadiyuso'oorók ar wák aga awiikahe.»

RUTI 2:2

Looarka wake Ruti Naomi gari beér, «Xáda, xáy, án a tláw baraá qamu, a bururú sleemisuú áw. Aníng a haraxuú' heé ya/aám nguwa slaw niwa aluuwós wa sleemiis.» Naomi iri ó', «Kiíng tláw, dasir'eé'.»

1 SAMUELI 1:18

Inós iri ó', «Sagadiyuso'oorók ya/aám ngi sleer dír ilaawoge.» Naagáy /ameenidá' iri tleér, iri /ayiín ar muunuú /awaák, tam gitsee/awós nay gwa/aatiyé'.