IIMU/UUNGW 32:4 - Biblía Axweesantá Hhohho' ar Mungú 2004

⁴ Gina hara'ayín, iwa kaahi, «Adoorí an adór aakooeé' Esau ku beera', ‹Sagadiyusmoowók Yakobo i kaahi, Aga hoót ar dahi'iima dír Labani wa ale ay hamí.

IIMU/UUNGW 32:4 Iomraidhean Croise

IIMU/UUNGW 23:6

«Aáko, iia qaaseek, kuúng a heé úr oo Mungú baraá tla/angwrene, tuuár hareerók fooleek baraá baa'ár muunaáwoge taa tsawát. Baraá tla/angwrene heé baa'a ga kuúng wa /itiím i kaahh, tam oo u ilaá/ tuuár hareerók kawa fol i kaahh.»

IIMU/UUNGW 25:30

Yakobo guri báy, «Qwari iga gaás, na'ás, muruú /aymaasíng da/tén qasiisang.» (Gaarí an gár kusa báy Edomu).

IIMU/UUNGW 27:29

Tlahh'aá muu u sagadiyuusiye', nee xoordu u ilaiwawa/iye'. Kuúng hhaeewók ki sawaawuti'iín, nee na/aá aayírók u ilaiwawa/iye'. Kudá' kuúng u lu'ús, ku lu'usi, nee kudá' kuúng u tsuúq, ku tsuuqi.»

IIMU/UUNGW 27:37

Isaka iri oó', «Yakobo ugwa waawutmoowók tleéhh, nee hhaeewós iga haniís tawa sagadiyuuseerós. Ugwa balángw i haniís nee difaáiro. Gár uy tleehh daxta garmaaeé'?»

IIMU/UUNGW 31:41

Baraá kureeraá mibeeri tsare do'ók una hoót, una sagadiyuús kureeraá mibaá nee tsiyáhh as dasuuwók kuqá' tsár, nee kureeraá lahhooe makaay ina de'eém. Ala tam adoorihe, slaasláwar'eé' kay warqés sagaá wa mibaangw.

IIMU/UUNGW 32:18

Kuúng ta o', ‹Muruuwí a daqaari'iimár sagadiyusmoowók Yakobo, nee an gár ni kuúng i haniisi, kuúng aakooeé' Esau. Yakobo inósuú kilá' i alií dirii', i lawee'.› »

IIMU/UUNGW 32:5

Hikwa i koóm nee daqwaayeero, muruú ququmát, nee sagadiyuusér hhawaate nee ar /ameenaaro. U ya/abtoórí ya/abiít, taataeé', a haraxuú' adór ir ilaaót.› »

IIMU/UUNGW 33:14

Daxta án kuúng u firiím, kuúng giiriím, nee aníng ni aluú wa tseegamiís ar adór hi'iitantá na/ii nee hikwa, ay dír ni amoorók i hardahaan baraá yaamaá Seiri.»

IIMU/UUNGW 33:8

Esau iri oó', «Boo/aywí nee aníng taa doogaan oo milá?» Yakobo iri oó', «Ana harahhiíf iwa ilaaot, aakooeé'.»

IIMU/UUNGW 36:8

Esau iri hotaá áy baraá yaamaá tlom'aá Seiri. Esau umuuwós oo hatlá' an Edomu.

IIMU/UUNGW 36:9

Kuká' an xwaylár Esau, baabuú múk Edomu baraá yaamaá Seiri.

IIMU/UUNGW 4:7

Xáy, bar gár hhoo' aga tléhh, ya/aám a sleerakáhe? Nee bar gár hhoo' aga tlehhká, tlakweema i dayá', i kuúng ilatleeruusiyá' as uwa arba/iya', adór makiito'ór xaraasl ar afkú dó' wa daamaraam, ala kuúng tlakweema na arba/eek.»

1 WAAWITÁ 20:32

Naagáy guniyadu ngiri tsiitiyé', nee hhutleemi ngiri tseegiyé' baraá isooín i ale, niri tlayé' ay dír waawutmoó múk Israeli, nguri bayé', «Sagadiyusmoowók Ben-hadadi u firiirín i kaahi, ‹Gám na'ás mi gaasaar.› » Ahabu iri oó', «Hé', laatí i slaaf xáy? Inós a hhiyaaeé'.»

TI'INAANGW 32:22

Aroni iri oó', «Aakooeé' aníng miwa ló'wa i buúhh, kuúng mukwí u xú' adór tar múk amohhoó' tlakweema tlehhtuuwo.

AXWEESANOÓ SAGALOOA 15:1

Heé aa buuhh burkwa mu/aywaáts ar tsaeema buuhhtaawós gin máy, Ala afaatli/a i buhhtaá dogít.

AXWEESANOÓ SAGALOOA 25:15

Heé qitluú baál waawutmo gu afaa/aasl, nee axweesanoó tsaén fara ga geeqáy.

AXWEESANOÓ SAGALOOA 6:3

Xueek adór kuúng tura dabií óh nee heewók kudá'. Ala barnaxés kuúng ti tu/tá wa slá', garmaaeé', adoorí tleehheek, tláw amór heesíng kaweek, kángw kilá' wa harhheehhe'eeseek, dugnoodá' ngu fiitsi.

DAHARUSMO 10:4

Waawutmo bar kuúng ugwa i buúhh, didá' tay dir'a ma tlawaar, asma axweesantá fur'ár tsá' buhhtaá yaariir gi hingés.

ISAYA 21:11

Kaangwí a geehhooeemaá Mungú aa laqán daanduú Edomu Heeko aníng ina amór Seírír wa ateét, i kaahi, «Xuumusámo, gár naa aán xweeraawo? Xuumusámo, gár naa aán xweeraawo?»

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

1 Petro 3:6

Sara adoorí gana tléhh. Inós ina iialooemís dír Abrahamuwo, guna aakoowós ar ateetiín. Kuungá' bar tlehhma'aá hhohho' iga tlehhé' awa adór kuká', nee bar hotá' ar dae wasle, daqaní kuungá' a na/iiwós.

HAR'OHUUSE 5:4

«Aá AAKOÓ MUNGÚ, qoomár tawa Seirír dahh, qoomár tawa Edomúr dahh, yaamu nay daaraxaatiyé', doori ma'aay ngay paahhamiisiyé', eeít, huunkáy tluwaay nguri paahhaás.

1 SAMUELI 26:17

Saulo afór Daudi gari tsaáhh, iri oó', «Afoorí a tóge garmaaeé' Daudi?» Daudi iri oó', «Aakooeé' waawutámo, afoorí a te'eé'.»