IIMU/UUNGW 32:31 - Biblía Axweesantá Hhohho' ar Mungú 2004

³¹ Yakobo Penieliro iwa waraahhi looa naa qaroó tsiiríhh, inós i soopín asma kutl/umoodá'.

IIMU/UUNGW 32:31 Iomraidhean Croise

IIMU/UUNGW 16:13

Inós AAKOÓ MUNGÚ guri umúr atét, kudá' nee inós naa axweesiye'. I kat, «Kuúng a Munguú xumiís.» Asma ina ó', «Tam aníng Mungú ugwa qo tsuwa ári niri kumiít slafiingo?»

IIMU/UUNGW 19:15

Qoomár matlaatlér boo/e malayke Loti guri harakés, i kat, «Tláw, kuúng nee hareerók nee dasuuwók kwí tsár diirí dirií', ma qwaarara' baraá tlakweemaá gixsarí.»

IIMU/UUNGW 19:23

Qoomár looa niwa tsiiríhh, Loti ina dáh Soari.

IIMU/UUNGW 32:25

Heedaádá' ngiwa ár adór Yakobo arba/atiro ngur aleeslayká, kutl/umoó Yakobo guri kwatiít, Yakobo iri yaae han'aát.

IIMU/UUNGW 32:32

Tam ay laarí múk Israeli fu'unaá dír kutl/umo gi /aa/ayiiká, asma didá' an dír heedaádá' aa kwatiít qoomár tiwa /ootsitiyé' nee Yakobo.

1 WAAWITÁ 12:25

Aluuwo waawutmo Yeroboamu gixsár Shekemu tidár gawaá tlom'aá yaamaá Efraimu gana malé tleéhh, iri didá' wa hoót. Sleeme iri male tláy gixsár Penueli gari male tleehhamór áy.

1 WAAWITÁ 18:26

Aaruuseedár Ba'ali awuuín nguri tsawaariyé', nguri amohhe'eesiyé', Ba'ali nguri iimu/uné' firooro, iimír matlaatlér wa ale ay /ameetleemu. Nina ni/iné' nee kitangwduú ilahhooa taa tleéhh nguna harweeditiyé', tawa kaahi, «Ba'aáli, atén ti iiaárií qas!» Ala afór taa axaás i káhh, laqaá heé gaa mu/aywaats i kaahh.

WARA'AMI 38:17

Daxta a baraá tsaxwaá niwa lak huu', nee aníng a baraá slahh'amu daqisleém.

TI'INAANGW 24:10

Inooín Munguú Israeli nguri ariyé'. Didá' aa ya'aawós i qaás a matla/ángw kwaá'o taa tleéhh ar yakutír sirboo/, hhoohhooariro a adór dooraá huunki wasl.

TI'INAANGW 24:11

Ala geeraharuuseedár Israeli Mungú gár nga /iís i káhh, inooín Mungú nguri ariyé', niri /ayiné', nee niri wahané'.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

2 korinto 12:7

Geehhoeemisuudá' urén oo tinda aníng i haniís i ló'wa waa/oo/amór kón. Gawaá adoorihe laqaymo kunguna gawaá slaqwte'eénií dahaás, as aníng mawa daar/uút as daanduú geehhoeemisuudá'. Laqaymoowí naa sláw a malaykamoó Neetlaangw, oo tinda ya/aáw as aníng iwa slahhi, as aníng mawa daara/uút.

2 korinto 12:9

Ala Aako iri báy, «Gurtleemuueé' i bu'uut diroge. Asma /uuruueé' ku ak úr, kuúng burtu daqaatlaákw.» Gawaá adoorihe aníng tin xirfayeemiís ar qwal/uú yaariír as daqaatlakwer'eé', as /uuruú Kristo iwa baraaeé' wa hooti.

DABE 5:24

Inooín tari oó', ‹Iia qaaseek! AAKOÓ MUNGÚ, Munguúrén taa xirfuuwós i laqán nee uraywós, afoorós aga axaasaán baraá tla/ángw asltádá'. Laarír kilá' Mungú ugwa araán iwa axweesi nee hee, slám kitángw hee iwa gwaai ina kumiít hotaawo.

DABE 5:26

Xáy, a hee gaalá oo Munguú slaáf gwa axaás oo baraá tla/ángw asltá wa axweés, adoodá' atén kura axasaán nee tay hotaán?

HAR'OHUUSE 6:22

Gideoni gari tsaáhh adór inós nee malaykamoó AAKOÓ MUNGÚ nira axweesiyé'. Gideoni iri oó', «Laá tsaxwaeé', AAKOÓ MUNGÚ, asma nee malaykamoowók taa araán ila nee tí.»

HAR'OHUUSE 6:23

Ala AAKOÓ MUNGÚ guri báy, «Wayda koomeek, ma da'ayumiitaar, kuúng a gwa'aká.»

HAR'OHUUSE 8:8

Ina didá' wa tláy ay amór múk Penueli, giri adoodár firín. Múk Penueli nguna mu/aywatsiyé' ar adór múk Sukoti.