IIMU/UUNGW 32:16 - Biblía Axweesantá Hhohho' ar Mungú 2004

¹⁶ Giri sagadiyuuseerós i saayín umuú heewo daqtós, giri báy, «Giirimé', pa/aangw ku geexeerá' tla/ángw daqa nee tiqá' baraá aaiihunge.»

IIMU/UUNGW 32:16 Iomraidhean Croise

IIMU/UUNGW 32:15

angamíár du'umiis mibeeri tám nee na/ii'ín, hikwaá mibeeri tsiyáhh nee awe mibaangw nee daqwaayér /ameena mibeeri tsár, nee ar yaqaambe mibaangw.

IIMU/UUNGW 32:17

Kudá' geerií giiriím gway báy, «Hhiyaaeé' Esau bar nee kuúng taa dogé', bir kaahi, ‹Kuúng a sagadiyusmoó heemá? Nee muruuwók kwí oo heemá?›

IIMU/UUNGW 32:20

Alaá tí sleémeerowo ku beera', ‹Yakobo sagadiyusmoowók i alií dirii', i lawee'.› » Yakobo adoorí gana tleéhh, ina baraá muunaáwós i oó', «Doóqa Esau muruuwí burungwa ár, muunaáwós i barií kii/. Atén birta doogaán, doóqa ila' ti ya/aná', iri ilaaoh.»

WARA'AMI 112:5

Heé hhoó' a kudá' múk dahi'iimiís, nee muu i kirkiti, kudá' muruuwós gu qoomeemeés ar adór ganaa'.

AXWEESANOÓ SAGALOOA 2:11

Daqaní sagalooa kuúng u de'eén, nee tsaahha kuúng uri amohhe'és.

ISAYA 28:26

Hee gár i tleehhi ga xuu', asma kuna intsaahhatís nee Munguúwós.

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

1 SAMUELI 25:19

Sagadiyuuseerós gari beér, «Kuungá' giirimé', án ni aluuhúng wa hi'iít.» Ala kaangwí gwaa sohh'oská dír hhawaatuuwose tam gár wák.