IIMU/UUNGW 32:14 - Biblía Axweesantá Hhohho' ar Mungú 2004

¹⁴ Aaraá tsiire tsár nee gurtaawe mibeeri tsár, bee/aangw tsiire tsár, nee gwaandaawe mibeeri tsár,

IIMU/UUNGW 32:14 Iomraidhean Croise

IIMU/UUNGW 30:43

Adoorihe heewí muruuwós iri ló'wa tlaáhh, nee sagadiyuuseerós nee lawaaleero, nee angamía nee daqwaayerose.

IIMU/UUNGW 31:10

«Qoomár muruudá' tawa tsiihaawe, aníng ana tlatiitiím, baraá tlataakae gurtaawér yaqaambe sleémeero tidá' aaraá ga/aw a gurtaawér mehh, nee ar tlaanqwayen nee ar biifayen.

IIMU/UUNGW 31:16

Daqaari'iimadá' sleémeero Aakoó Mungú naa dirós wa hiingeés an toorén nee na/iirén. Gawaá adoorihe, umuúqo tidá' Mungú naa ooi na tleehheek.»

IIMU/UUNGW 31:9

Adoorí an adór Mungú muruú baabuúhúng ngura amor'eéní haniís.»

IIMU/UUNGW 32:13

Naagáy Yakobo iri didií deél xweeraadae. Boohhár daqaari'iimarós gari paraátl tawa gár i haniisi dír Esau hhiyaawós:

IIMU/UUNGW 32:15

angamíár du'umiis mibeeri tám nee na/ii'ín, hikwaá mibeeri tsiyáhh nee awe mibaangw nee daqwaayér /ameena mibeeri tsár, nee ar yaqaambe mibaangw.

IIMU/UUNGW 33:11

Na'ás, muruuwí ni hanmiis na ooheek, asma Mungú muruuwí ngwa aníng i haniís, slám aníng muruú bu'uút u koóm.» Guri harakeés nguwa ilaoohi, guri ilaaóh.

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

YOBU 1:3

Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

AXWEESANOÓ SAGALOOA 17:8

Slukuma a adór hirísi dír heé ga duxaxima, umuúqo amór i kaya gadaádá' i slai gan sláy.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

1 SAMUELI 25:2

Nee heeko wák i deer amoodár Maoniro. Heewí in halaanu'uumár tlehhahhiit Karmelír wa ale. A daqaarmo ló'wa ale, bee/ángw kume tám nee aaraá kumuú wák gi kón, inós i se'éngw bee/aangós tlaqaqaat gawaá tloomár Karmelír wa ale.