IIMU/UUNGW 32:11 - Biblía Axweesantá Hhohho' ar Mungú 2004

¹¹ Án kuúng u firiím, ba/amisáng daxta baraá dabaá hhiyaaeé' Esauwo. Asma án inós u da'ayumiiít tiwa haramuki, nee sleémeero tiri tsuu/, ín aayo dinkwa nee na/iiwo.

IIMU/UUNGW 32:11 Iomraidhean Croise

IIMU/UUNGW 24:27

Iri oó', «I xirfuuti AAKOÓ MUNGÚ, Munguú aakooeé' Abrahamu, kudá' hhooeemaawós nee inkihhimuuwose gaa gunqareesiiká dír aakooeene. Án bartaeene AAKOÓ MUNGÚ ina geerahaár ay dír múk aakooeé'.»

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 27:42

Ala Rebeka kángw Esau garmaawós kudá' úr guri axás. Hee guri ya/áp Yakobo garmaawós kudá' niiná nguwa ateeti, guri beér, «Ti harmagahh, hhiyaawók Esau ti gurkwa/amis as kuúng uwa gaasár wa slai.

IIMU/UUNGW 32:3

Yakobo ya/abuuse gari geerakawís amór hhiyaawós Esau, amór Seiri baraá yaamaá Edomu.

IIMU/UUNGW 32:7

Yakobo iri ló' wa da'ayuút iri amoqwaár. Mukdá' nee inós dinkwa guri qasiís baraá daqooroó tsár, bee/aangw nee muruú hatlá' nee angamía,

IIMU/UUNGW 33:4

Naagáy Esau nari hardáh ar ti'iingw, guri hara/akuút, guri ma'aás. Inooín tsaraawo tari al/aá/.

2 SAMUELI 7:18

Naagáy waawutmo Daudi iri tláy, iri iwiít geeraá AAKOÓ MUNGÚ, iri firín, iri oó', «Aníng a heemá, xáy Aakoó MUNGÚ, nee múk dooeé' a gár milá tam ay diirí án niwa iia tleerúw laarí.

WARA'AMI 119:134

Ba/amisáng dír tlakweemaá muko, daqaní aníng hara'ayarók a óh.

WARA'AMI 142:6

/Aa/ee'eé' iiárií qaaseek, asma aníng taa ló'wa waaqaá'! Baraá dabaá baramaanuuseero tu/áng, asma i /uuruú koná' ta aninge.

WARA'AMI 16:1

Na'ás Mungú, aníng de'eemáng, asma kuúng an dír guway'eé'.

WARA'AMI 25:20

Án de'eemáng nee ba/amiisáng. Mitiwa mureekeés asma aníng nina dirók i goów.

WARA'AMI 31:2

Án iiárií qaasáng, ba/amisáng ar gaanslaay. Kuúng masók an adór tlaa/ár aníng i baaq, nee koo/ír gawit ar aníng i ba/amis.

WARA'AMI 43:1

Mungú, án aleekalaa/áng, án aleeawáng dír múk gurtleemuú koomaakahe, wangexwaaráng dír múk al/aymuuse nee oo tlakwe, kudá' gan'amuú koomaaká.

AXWEESANOÓ SAGALOOA 18:19

Hhiyoó taa buhhtís ku gawít haraki/isaro ta koo/ír gawit ar gixsaro, Ala gila a adór muqslír taa afkú dó' ar tsegaagiti.

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

HOSEA 10:14

Gawaá adoorihe slaqwaruuse ni haratleér amór mukók, nee maraywók kudá' koo/i gawden kiri yaamií hhaaf, adoodá' Shalmani Beti-arbeli ngira yaamií hhaáf bál slaqwaraaro, ín aayo kiri nakaa/arúy dinkwa nee na/ii'ine.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

DABE 22:6

«Kuúng barnaxes doó tsir/i ugwa aán gawaá xa'ano, laqaá baraá loohi, i na/aá kón, laqaá qanhha, tsir/i i na/aá umiín, laqaá qanhha, tsir/idá' nee na/iiwose mi ar tlawaar.

1 SAMUELI 12:10

Inooín AAKOÓ MUNGÚ kway i /aa/amín tari oó', ‹Aga tlakweesaán, asma AAKOÓ MUNGÚ ugwa geexawaán, munguaá ta babay Ba'ali nee Ashtaroti kiri sagadiyusaán, ala hamí ti tu/ baraá dabaá wakuuseerene, daqaní atén kuúng u sagadiyuusaán.›

1 SAMUELI 24:15

AAKOÓ MUNGÚ ti har'oohi, ti sakwasleemuti án nee kuúng. Inós kaangwí ngu alqaytsiti, nee aníng i alekalaa/i baraá axweesanay'eene, nee i ba/amisi baraá dabaawoge.»