IIMU/UUNGW 32:10 - Biblía Axweesantá Hhohho' ar Mungú 2004

¹⁰ aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

IIMU/UUNGW 32:10 Iomraidhean Croise

IIMU/UUNGW 18:27

Abrahamu iri ilawaáts, iri oó', «Aga qo qiítl nee Aako tawa axweesaan, aníng aqo adór teeri nee da/ara.

IIMU/UUNGW 24:12

Inós iri firín, «AAKOÓ MUNGÚ, Munguú aakooeé' Abrahamu, án kuúng u firiím laarí, alee/iisáng, nee aakooeé' Abrahamu hhooeemií tleehheek.

IIMU/UUNGW 24:27

Iri oó', «I xirfuuti AAKOÓ MUNGÚ, Munguú aakooeé' Abrahamu, kudá' hhooeemaawós nee inkihhimuuwose gaa gunqareesiiká dír aakooeene. Án bartaeene AAKOÓ MUNGÚ ina geerahaár ay dír múk aakooeé'.»

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 30:43

Adoorihe heewí muruuwós iri ló'wa tlaáhh, nee sagadiyuuseerós nee lawaaleero, nee angamía nee daqwaayerose.

IIMU/UUNGW 31:3

An qoomár AAKOÓ MUNGUÚ Yakobo nguwa báy, «Kií/ baraá yaamaá taati'iiwók nee mukók, án nee kuúng a dinkwa.»

IIMU/UUNGW 32:5

Hikwa i koóm nee daqwaayeero, muruú ququmát, nee sagadiyuusér hhawaate nee ar /ameenaaro. U ya/abtoórí ya/abiít, taataeé', a haraxuú' adór ir ilaaót.› »

IIMU/UUNGW 32:7

Yakobo iri ló' wa da'ayuút iri amoqwaár. Mukdá' nee inós dinkwa guri qasiís baraá daqooroó tsár, bee/aangw nee muruú hatlá' nee angamía,

2 SAMUELI 17:24

Naagáy, Daudi iri tláy ay Mahanaimu. Absalomu nee múk Israeli sleémeero yaaér Yordani kari waaraáhh.

2 SAMUELI 7:18

Naagáy waawutmo Daudi iri tláy, iri iwiít geeraá AAKOÓ MUNGÚ, iri firín, iri oó', «Aníng a heemá, xáy Aakoó MUNGÚ, nee múk dooeé' a gár milá tam ay diirí án niwa iia tleerúw laarí.

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

YOBU 8:7

Kuúng tam aga hoti ar liitlakwe aluuwo kuúng an hót ar diihhooa.

WARA'AMI 16:2

AAKOÓ MUNGÚ una báw, «Kuúng an AAKOOEÉ', aníng gár hhoo' ni koom i káhh, aqo har kuúng.»

WARA'AMI 18:35

AAKOÓ MUNGÚ, án kuúng ina báq nee iri ba/amís, amohhe'eemisuuwók aníng ina ureés, nee ina gawdés ar /uuruuwók.

WARA'AMI 61:7

I waawuti'in ar alee/isoó Mungú ay alhhe'eesay wasle, nee ngu de'en ar sla'aarirós ar warqawaaká nee inkihhimuuwose.

WARA'AMI 8:5

Kuúng ugwa uráy i hanís tsaxwaá tawa alqon nee malayke, kuri ilaiwa/amér úr i hanís nee xirif.

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

WARA'AMI 85:10

Sla'aarír warqawaaká nee inkihhimu ti doogiyá'. Gan'amu nee wayda ti ma'amisiyá'.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

Luka 17:10

Gawaá adoorihe kuungá' sleeme tidá' sleémeero tunda báy, tleehhamooro bara hhe'esé', ta oa', ‹Atén a lawaaleedá' gídaabár koomaaká. Aqo tidá' atén wa hariim ana tleehhaán.› »

Luka 5:8

Simon Petro adoodá' ngiwa ár, iri tumbarara'aát dír ya'aá Yesu, iri oó', «Aáko, dir'eene quútl, asma aníng a heé tlakusmo.»

2 korinto 12:11

Aníng niwa adoorír axweés a adór daktani. Ala kuungá' aníng ina harakesé'. A hariímarhúng geeraawo aníng iwa xirfayeemisa'. Asma aníng tam a gaarookahe, ala gár aníng iga wa /aaruur i káhh ta ya/abuuserhúng tidá' urene.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»