IIMU/UUNGW 31:7 - Biblía Axweesantá Hhohho' ar Mungú 2004

⁷ Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

IIMU/UUNGW 31:7 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 20:6

Mungú guri báy ar baraá tlata, «Aníng aga tsaáhh adoorí kawa tléhh ar muunuú hhoohhoó', ala án kuúng uri ilaá/ tlakweema kiwa tlehhká. Gawaá adoorihe ugwa mawiiká /ameenirí kawa kwatit.

IIMU/UUNGW 29:25

Matlaatleero Yakobo gari tsaáhh tawa Lea! Labani guri yaahaás, «Kaangwí naa aní tléhh a milá? Xáy, una sagadiyuúsiíke as Raheli? Bareemák daxta iga al/ák?»

IIMU/UUNGW 30:28

Guri malé báy, «Bu'utuuwók ooang aníng kuúng u buú'.»

IIMU/UUNGW 31:24

Ala xweeraawo Mungú Labani, heé Aramu guri i daqáy ar baraá tlata, guri báy, «Ti harmagahh, Yakobo mu /aymuú bawaar ku hhoó' laqaá tam ku tlaakwe.»

IIMU/UUNGW 31:29

Aleesleemuú uwa hariiaw u koóm, ala Mungú, baabuúwók nee aníng ana axweesaán ar baraá tlata xweeraá laarí ta dahhaan, ina gurbuú', iri báy, ‹Ti harmagahh Yakobo mu /aymuú bawaar oo hhoó' laqaá oo tlaákw.›

IIMU/UUNGW 31:41

Baraá kureeraá mibeeri tsare do'ók una hoót, una sagadiyuús kureeraá mibaá nee tsiyáhh as dasuuwók kuqá' tsár, nee kureeraá lahhooe makaay ina de'eém. Ala tam adoorihe, slaasláwar'eé' kay warqés sagaá wa mibaangw.

NEHEMIA 4:12

Múk Yahudi kuduú baraá tla/ángw wakuuseerén wa hoót qoomár axweesanay'ín kwí kuwa axamiís ki/imaá yaariire nina hardarahiyé' tawa kaahi, «Nin hardihiyá' umuúqo dír i hootiia tiwa i haratlaya'.»

YOBU 1:10

Gár us ilaiwawa/i aqo adoosíng kuúng kuwa xuun bihhe sleémeero, inós nee múk do'ós sleémeero nee muruuwós sleémeero. Slám inós ugwa ló'wa tsúq, daqaari'iimarós iri ló'wa doogiín baraá yaamuwo.

YOBU 19:3

Ay waaiikaá mibaangw iga tlukakiindé', aqo murumita'aakáhe iwa adoorí tlaákwí tlehhita'.

YOBU 19:8

Loohir'eé' kaa tseék ar baqa, as kahhó' niwa waarahhaaká, lohduueé' gaa giwísh.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

ISAYA 4:1

Qoomaadae /ameenár faanqw hhawaatuú wák gun ót tawa kaahi, «Gám atén muruú /aymaarén u /ayaán nee ti kiloorén tsiitimiisaán, ala atén ti duxut mureerén tí hingeeseek.»

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,