IIMU/UUNGW 31:41 - Biblía Axweesantá Hhohho' ar Mungú 2004

⁴¹ Baraá kureeraá mibeeri tsare do'ók una hoót, una sagadiyuús kureeraá mibaá nee tsiyáhh as dasuuwók kuqá' tsár, nee kureeraá lahhooe makaay ina de'eém. Ala tam adoorihe, slaasláwar'eé' kay warqés sagaá wa mibaangw.

IIMU/UUNGW 31:41 Iomraidhean Croise

IIMU/UUNGW 27:44

Afi qoomár niinawe hooté' nee inós ay dír buhhtaá hhiyaawók nay faakiya'.

IIMU/UUNGW 29:15

Labani Yakobo guri báy. «I hariindaaká án kuúng iwa tawo sagadiyus as tawa mar'afmooeé'. Bu'utuú kuúng ta sla' ooang.»

IIMU/UUNGW 30:28

Guri malé báy, «Bu'utuuwók ooang aníng kuúng u buú'.»

IIMU/UUNGW 31:38

Aníng nee kuúng aga alhootaán baraá kureeriiká' mibeeri tsare, bee/aangók nee aaraawoge ar gura' gwaa kwahh i káhh, tam án gwaanduwók oo naa /aáy i kaahh baraá daqtoge.

IIMU/UUNGW 31:40

Adoorí an adór nira hoót, tlaatla/aango tsee/amá ina sláqwtí /ón, xweeraawo tsaaqwa ina gu'utér /ít.

IIMU/UUNGW 31:6

Kuungá' a xuá' adór án baabuúhúng ngura sagadiyuús ar /uuruueé' sleémeero.

IIMU/UUNGW 31:7

Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

IIMU/UUNGW 32:4

Gina hara'ayín, iwa kaahi, «Adoorí an adór aakooeé' Esau ku beera', ‹Sagadiyusmoowók Yakobo i kaahi, Aga hoót ar dahi'iima dír Labani wa ale ay hamí.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

2 korinto 11:26

Baraá aaiieé' awa yaariire tsaxwaá yaariir in wa /akumaamiít, tsaxwaá yau, nee tsaxwaá fisuuse, tsaxwa as múk xooror'eé', nee as múk xoordaá hatlá' sleeme, tsaxwaá baraá gixsadu nee tsaxwaá baraá darma, tsaxwaá baraá tlawi, tsaxwa as mukdá' káh inooín a hhae, ala laatí inooín a hhaeewooká.