IIMU/UUNGW 31:37 - Biblía Axweesantá Hhohho' ar Mungú 2004

³⁷ Hayiyá, hám daxta gaarók ar taa sleér i deéro tam alaá xosluueé' sleémeero kiwa xuxuaaiín? Tisíng taa sleér qaaseek dír geeraá muk'eé' nee mukók, as inooín kaa/i ngiwa tsatiya' dír tla/ángw ateéká' tsare.

IIMU/UUNGW 31:37 Iomraidhean Croise

IIMU/UUNGW 31:32

Ala heé kuúng taqo sleera oo munguiidá' ta haratlintaati' gi koóm, ku gaasi. Dír geeraá mukrene kuúng umuúqo gaarók ar atén ta koomaan laqaamang, nee ka hayót geeraá mukók kwí wa alé.» Yakobo ga xuiiká adór Raheli murslaaqatuú munguiidá' Labani i haratlintaati'i ngura fís.

IIMU/UUNGW 31:36

Yakobo iri tsatmiít buhhtaawo, Labani guri tlukún guri báy, «Dakuúsar'eé' a milá? Tlakweemaá naa tleéhh a milá ar án kuúng iwa adoorír /amatsegit?

IIMU/UUNGW 31:38

Aníng nee kuúng aga alhootaán baraá kureeriiká' mibeeri tsare, bee/aangók nee aaraawoge ar gura' gwaa kwahh i káhh, tam án gwaanduwók oo naa /aáy i kaahh baraá daqtoge.

Matayo 18:16

Ala bar kuúng ugwa iiárií qaasiiká, tláw nee heé wák ti malé koonde', laqaá múk tsár, as umuúqo axweesanto ka tsati ar afér lamabu'uusér tsár laqaá tám.

1 Tesalonike 2:10

Kuungá' a lamabu'uuseerén, tam Mungú sleeme, adór atén tara tla/ángw kuungaásingaá haratlintaauusér wa hootaán ar slafíngw hhohhó' nee oo ganaá', nee slám aga dakuusaniiká.

Ebrania 13:18

Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.

YOSHUA 7:23

Inooín xosluudá' ngay duuxiyé' baraá heémár Akani wa alé, ngiri huwiyé' amór Yoshua nee múk Israeli sleémeero. Xosluudá' kiri qaás dír geeraá AAKOÓ MUNGÚ.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.