IIMU/UUNGW 31:35 - Biblía Axweesantá Hhohho' ar Mungú 2004

³⁵ Raheli baabuúwós guri beér, «Baabá, án gurtlawáng, ma buhhaar, sihhtanór geeraawók a aleeslawaaká, asma án a baraá deelor'eé' i dirií'.» Labani murslaaqatuú munguiidá' guri leelehhiít guri slayká.

IIMU/UUNGW 31:35 Iomraidhean Croise

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:34

Raheli murslaaqatuú munguiidá' guna ar tleér, guri lú/ baraá guruú fala gawaá daanduú angamía, guri al'iwít. Labani iri ló'wa leelehhiít baraá guruú heéma sleémeero, ala gwaa slayká.

IIMU/UUNGW 31:36

Yakobo iri tsatmiít buhhtaawo, Labani guri tlukún guri báy, «Dakuúsar'eé' a milá? Tlakweemaá naa tleéhh a milá ar án kuúng iwa adoorír /amatsegit?

1 WAAWITÁ 2:19

Naagáy Bat-sheba iri dát amór waawutmo Solomon as tawa axweesi daanduú Adoniawo. Waawutmo iri sihhiít nee inós tiri doogiyé', iri dír geeraawós i tumbarara'aát, aluuwo iri kií/ gawaá kitaangós kuduú waawuti'iima, iri oó', «Aayír waawutmo kitaángwí haniisaak.» Bat-sheba iri iwít dákw doó /iyáy oo waawutmo.

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

TLAHHOÓ LAÁWI 15:19

«/Ameeni bir baraá hariímaarós ar slahhaángwí dirí' inós i baraá meeta deelo faanqw. Hee barnaxes ngaa kwatiít i baraá meeta ay tsiindo.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

TLAHHOÓ LAÁWI 19:32

«Bar dír geeraá heé úrií dirí' oo al/awtantá koóm, gár tuwa hariím an geeraawósí sihhít, kuri ilaiwa/ameérií tléhh, nee kuúng Munguúwók ilaiwawa/eek. Aníng an AAKOÓ MUNGÚ.

Efeso 6:1

Kuungá' ná/ii, xwaylitérhúng iialooeemisaak ar baraá Aako. Gaarí an gár hariím.

1 Petro 2:18

Kuungá' lawaále, iialooemisé' dír daqaarerhunge ar ilaiwa/amér yaariir. Ala a dír kudá' hho' nee kudá' tsatsa'aren kilooineeká, ala tam dír kudá' xaraaslá' sleeme.

1 Petro 3:6

Sara adoorí gana tléhh. Inós ina iialooemís dír Abrahamuwo, guna aakoowós ar ateetiín. Kuungá' bar tlehhma'aá hhohho' iga tlehhé' awa adór kuká', nee bar hotá' ar dae wasle, daqaní kuungá' a na/iiwós.