IIMU/UUNGW 31:34 - Biblía Axweesantá Hhohho' ar Mungú 2004

³⁴ Raheli murslaaqatuú munguiidá' guna ar tleér, guri lú/ baraá guruú fala gawaá daanduú angamía, guri al'iwít. Labani iri ló'wa leelehhiít baraá guruú heéma sleémeero, ala gwaa slayká.

IIMU/UUNGW 31:34 Iomraidhean Croise

IIMU/UUNGW 31:17

Naagáy Yakobo tiri amohhe'eés, tlaawaywós nee na/iiwose giri tsa/aás gawaá angamía.

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:33

Naagáy Labani murslaaqatuú munguiiwós guna leelehhiít baraá heémár Yakobo, nee ar Lea, nee ar sagadiyuuseedá' tsár, ala gwaa slayká. Ina baraá heémár Lea wa ti'iít, iri dáh baraá heémár Raheli.

IIMU/UUNGW 31:35

Raheli baabuúwós guri beér, «Baabá, án gurtlawáng, ma buhhaar, sihhtanór geeraawók a aleeslawaaká, asma án a baraá deelor'eé' i dirií'.» Labani murslaaqatuú munguiidá' guri leelehhiít guri slayká.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

TLAHHOÓ LAÁWI 15:9

Tlawuú taa hhaáf gawaá makiito'o oo heé malalaáhh aa i iwiít kun harmeetín.

HAR'OHUUSE 18:24

Mika iri oó', «Kuungá' munguiidá' aníng naa tleéhh ina ar tleeré' dinkwa nee kaahamusmo, ala gár aníng ni koom a milá? Slamí án kuungá' adór ir yaahasa' a adoomá?»

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»