IIMU/UUNGW 31:32 - Biblía Axweesantá Hhohho' ar Mungú 2004

³² Ala heé kuúng taqo sleera oo munguiidá' ta haratlintaati' gi koóm, ku gaasi. Dír geeraá mukrene kuúng umuúqo gaarók ar atén ta koomaan laqaamang, nee ka hayót geeraá mukók kwí wa alé.» Yakobo ga xuiiká adór Raheli murslaaqatuú munguiidá' Labani i haratlintaati'i ngura fís.

IIMU/UUNGW 31:32 Iomraidhean Croise

IIMU/UUNGW 13:8

Abramu Loti guri báy, «Gila mindiwa xayé' tla/ángw aníng nee kuunge, laqaá tla/ángw de'eemuuser'eé' nee de'eemuuseeroge. Asma án nee kuúng a hhae.

IIMU/UUNGW 19:7

Giri báy, «Hhaee'eé', án kuungá' nu harhheehhe'eés, adoosíng tlaakw ma tleehhara'.

IIMU/UUNGW 30:33

Daqaní baraá alér sawene gan'amueé' aníng iri lamabu'ún, bál binda hardát as bu'utueé' nguwa artá eer. Tidá' qo kaloó koomaaká baraá aaraawo, laqaá bee/ír boo/eeká, bara dir'eéní eér, daqaní ana fiís.»

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:23

Labani nee hhaeewós Yakobo nguri eeharahariyé' ay deelo faanqw, ngway gawaá tlom'aá Gileadír i ayé'.

IIMU/UUNGW 31:30

A xuú' gár tasa fisiín, a inslawoó úr oo ki/imaá amór baabuúwók una sleér. Ala a milá gár murslaaqatuú munguiieé' kudá' ni haratlintatii' kisa fís?»

IIMU/UUNGW 31:31

Yakobo Labani guri mu/aywaáts, «Án ana da'ayuút, asma aninge kuúng dasuuwók un hayót dir'eén wa alé ar /uuru.

IIMU/UUNGW 31:33

Naagáy Labani murslaaqatuú munguiiwós guna leelehhiít baraá heémár Yakobo, nee ar Lea, nee ar sagadiyuuseedá' tsár, ala gwaa slayká. Ina baraá heémár Lea wa ti'iít, iri dáh baraá heémár Raheli.