IIMU/UUNGW 31:28 - Biblía Axweesantá Hhohho' ar Mungú 2004

²⁸ Baré pa/aangw ngwaa hanisiiká oo dasuueé' nee na/aá dasuueé' ngiwa deeloórí oo'? Adoorí aga daktu'umár tléhh!

IIMU/UUNGW 31:28 Iomraidhean Croise

IIMU/UUNGW 29:13

Labani kángw Yakobo oohho'oówós nguwa axaás, ina ta'aaín nguwa al'ay. Guri slaqwtósí óh, guri ma'aás, guri do'ós i dahi'ís. Yakobo kangwdá' sleémeero aa tleehharuut guri alki/iít.

IIMU/UUNGW 31:13

Án an Aakoó Munguúdá' nee kuúng taa doogaan amoodár Beteli, didá' tlaa/ano kuwa parátl kway di/ití tsiririxís, iri al'axweesántí ó'. Daxta tláw baraá yaamukae, kií/ baraá yaamuudá' tuwa laqwaál.› »

IIMU/UUNGW 31:24

Ala xweeraawo Mungú Labani, heé Aramu guri i daqáy ar baraá tlata, guri báy, «Ti harmagahh, Yakobo mu /aymuú bawaar ku hhoó' laqaá tam ku tlaakwe.»

IIMU/UUNGW 31:29

Aleesleemuú uwa hariiaw u koóm, ala Mungú, baabuúwók nee aníng ana axweesaán ar baraá tlata xweeraá laarí ta dahhaan, ina gurbuú', iri báy, ‹Ti harmagahh Yakobo mu /aymuú bawaar oo hhoó' laqaá oo tlaákw.›

IIMU/UUNGW 31:3

An qoomár AAKOÓ MUNGUÚ Yakobo nguwa báy, «Kií/ baraá yaamaá taati'iiwók nee mukók, án nee kuúng a dinkwa.»

IIMU/UUNGW 31:55

Matlaatlér boo/e, Labani iri tláy qatuuwo, dasuuwós nee haywaá dasuuwós giri ma'amiís, giri tsuúq. Naagáy iri tláy, iri kií/ amór do'.

IIMU/UUNGW 32:1

Qoomár Yakobo iwa kumiiti aaiiwose, malaykér Mungú nee inós tina doogiyé'.

1 WAAWITÁ 19:20

Qoomaadár kilae Elisha aweerós gari geexáy, Eliya guri alta'aaín, gway báy, «Gám daa deelo ngi oó' dír baabá nee aayihe, daqaní kuúng u eehár.» Eliya iri oó', «Tláw, ala tidá' uy tleéhh ka insleér.»

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

TI'INAANGW 4:27

AAKOÓ MUNGÚ Aroni guri báy, «Tláw baraá xaanxaay nee Mose ti doge'.» Aroni iri tláy, tiri doogiyé' baraá tloomár Mungú, guri ma'aás.

Tlehhema'aá ya/Abuuse 20:37

Sleémeero tari ló'wa /aa/amín, Paulo kuri slaqooín i ohín kuri ma'amiís.

1 Korinto 2:14

Heé Qeeruú Mungú gu koomaaká, muruuduú Qeeruú Mungú gu ilaoohiiká. Asma muruudá' dirose a adór daktu'uuma nee slám tsaahharo gu aleeslayká. Asma muruudá' gár kur tsatsahhan a Qeeruú Mungú.

RUTI 1:14

Inooín /aa/e ngiri malé iimu/uné'. Orpa aayír hhawaatuuwós gari deeloórí ó' ar ma'aasa. Ala Ruti iri dirós i mét.

RUTI 1:9

Nee AAKOÓ MUNGÚ kuungá' nu alee/iisi ar umuú heewo hhawaata nguwa malé slay nee hotaarír hho' kawa ar hota'.» Inós giri deeloórí ó' ar ma'amis. Inooín tari /aa/amín ar afór ur,

1 SAMUELI 13:13

Samueli Saulo guri báy, «Adoosá naa tléhh ar barawaslaay, hara'ayár AAKOÓ MUNGÚ, Munguúwók aga otká kudá' ugwa hara'ayin, asma AAKOÓ MUNGÚ geera waawuti'iimarók ga gawdees gawaá daanduú múk Israeliro ay kureerisleém.