IIMU/UUNGW 31:24 - Biblía Axweesantá Hhohho' ar Mungú 2004

²⁴ Ala xweeraawo Mungú Labani, heé Aramu guri i daqáy ar baraá tlata, guri báy, «Ti harmagahh, Yakobo mu /aymuú bawaar ku hhoó' laqaá tam ku tlaakwe.»

IIMU/UUNGW 31:24 Iomraidhean Croise

IIMU/UUNGW 20:3

Ala Mungú Abimeleki guri i daqáy ar baraá tlata, guri báy, «Kuúng a tuua, asma /ameenisíng taa hayót a harér hee.»

IIMU/UUNGW 20:6

Mungú guri báy ar baraá tlata, «Aníng aga tsaáhh adoorí kawa tléhh ar muunuú hhoohhoó', ala án kuúng uri ilaá/ tlakweema kiwa tlehhká. Gawaá adoorihe ugwa mawiiká /ameenirí kawa kwatit.

IIMU/UUNGW 24:50

Labani nee Betueli axweesantí kawa axaás, tari oó', «Gaarí i amór AAKOÓ MUNGÚ dáhh, tisinge atén gár ni ooaan i káhh.

IIMU/UUNGW 28:5

Naagáy Isaka Yakobo guri ya/aáw. Inós iri tláy ay Padan-aramu, amór Labani, garmoó Betueli, heé Aramu, hhiyoó Rebeka, aayór ín Yakobo nee Esau.

IIMU/UUNGW 31:10

«Qoomár muruudá' tawa tsiihaawe, aníng ana tlatiitiím, baraá tlataakae gurtaawér yaqaambe sleémeero tidá' aaraá ga/aw a gurtaawér mehh, nee ar tlaanqwayen nee ar biifayen.

IIMU/UUNGW 31:11

Malaykamoó Mungú nee aníng ana axweesaán ar baraá tlata. Án ina ateét, ‹Yakóbo›. Aníng niri ooiím, ‹Aníng a diirí.›

IIMU/UUNGW 31:23

Labani nee hhaeewós Yakobo nguri eeharahariyé' ay deelo faanqw, ngway gawaá tlom'aá Gileadír i ayé'.

IIMU/UUNGW 31:25

Labani iri hardáh amór Yakobo, qoomaarihe Yakobo heémarós gaa kikií' gawaá gongoamo. Labani sleeme nee mukós heemaduuín ngay kiki'iyé' gawaá gongoamaá Gileadi.

IIMU/UUNGW 31:29

Aleesleemuú uwa hariiaw u koóm, ala Mungú, baabuúwók nee aníng ana axweesaán ar baraá tlata xweeraá laarí ta dahhaan, ina gurbuú', iri báy, ‹Ti harmagahh Yakobo mu /aymuú bawaar oo hhoó' laqaá oo tlaákw.›

IIMU/UUNGW 31:42

Geera bar Munguú baabuúeé', Munguú Abrahamu, Kudá' Isaka i da'ayumiiti, bir barte'eeneeká, geera án kuúng iga gús ar dabaá kaaharen. Ala Mungú slahh'amaayer'eé' nee gadiyér dabaaeé' gaa ár. An gár kuúng Mungú usa iigahhaát xweeraá laarí ni dahhaana.»

IIMU/UUNGW 31:7

Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

IIMU/UUNGW 40:5

Looarka wake xweeraawo heedaádá' úr oo muruú wahángw waawutmo, nee kudá' úr oo múk mikaátér tlehhaahhiít, ar waawutmoó Misri, tana tlatiitín, umuú heewo tlataawós, tlataá gídaabár dimbadimbé.

IIMU/UUNGW 41:1

Alaá kureeraá tsár niwa waarahhiyé', Farao ina tlatiitín. Qaytsiít, kwaáo' kwaáo' aa sihhiít dír afaá yaaér ta bay Nili.

2 SAMUELI 13:22

Absalomu axweesantá amór Amnoni gari máy, asma Amnoni nee hho'oorós tawa alqaát.

1 WAAWITÁ 3:5

Nee amoodár Gibeoniro AAKOÓ MUNGÚ iri hardáh dír Solomon ar baraá tlata xweeraawo. Mungú guri báy, «Solomon gár ta sla' firiimang án ngi haniís.»

YOBU 33:25

Naagáy slaqwtós gari malé adór masoomoó wá dalaa/. Inós iri male /etlángwí kii/ kuduú istá /aami.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

HOSEA 12:12

Yakobo aáng ina tláy ay yaamaá Aramu, amoodá' iwa gadiyuús as hare ngiwa slay. Inós bee/aangw guna de'én as hare ngiwa slay.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

FAARO 22:20

Naagáy, Mungú Bala'amu guri harati'iít xweeraawo guri báy, «As mukwí kuúng uwa ateetár áy, daqáw ti alkoonde' nee inooín, ala gár ta tlehh a tidá' naa kuúng báw kilós.»

FAARO 22:26

Kár malaykamo iri malé amór geeraá áy, iri sihhiít dír loohi kawa iiraákw, waarahhamu i kaahh bihhaá doó /iyayhe tam bihhaá doó basayhe.

FAARO 24:13

niwa oó', ‹Tam do'ók oo peésár wa haáts nee sahaábuwo ngu hanisa, axweesantá AAKOÓ MUNGÚ a qiitlaaká waa/akuutaro, gár hatlá' ngiwa tleehh, ar hhoo' laqaá ar tlaakw ar sagw'eé' kilós.› Niri oó', ‹Tidá' AAKOÓ MUNGÚ ni ooi an tidá' ni oo'.› »

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 2:12

Inooín Mungú giri gurbuú' ar baraá tlata as mindiwa dír Herodér ki/iyé'. Inooín tari waátl ar loohír hatlá'.

Matayo 27:19

Nee Pilato iwa iwiít gawaá kitaangós kuduú kwasleema, hareerós hee nguri ya/áp, guri beér, «Kángw heesíng gan'amuú koóm mu i dahaar. Asma laarí xweeraawo aníng tina slahh'eemaamiís ar baraá tlata as inós.»

DABE 26:5

/Aymi'iiká' kiri dír geeraá AAKOÓ MUNGÚ, Munguúwók wa ó', ‹Baabuúeé' a heé Aramu, kudá' aa tonganuumamiis amorqá' nee tiqae, aluuwo iri tláy ay yaamaá Misri, iri amoodá' wa hoót adór dahaaymo. Inós nee múk do'ose, qoomaadae a múk ló'wa niiná, aluuwo inooín niri tlahhiyé' tari xoorór yaariir, nee ar /uuruú koom.