IIMU/UUNGW 31:21 - Biblía Axweesantá Hhohho' ar Mungú 2004

²¹ Yakobo daqaari'iimarós sleémeero gari ar tláy iri /akuút. Alaá yaaér Eufrate ngiwa waaraáhh, iri Gileadír xuú', yaamaá tlom'i.

IIMU/UUNGW 31:21 Iomraidhean Croise

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 2:14

Nee umuú yaaér tám a Tigri. An yaaeedá' aa waarahh ar bihhaá da/aáw awa yaamaá Ashuru. Nee umuú yaaér tsiyáhh a Eufrate.

IIMU/UUNGW 31:20

Yakobo Labani heé Aramu guna al/aáy as nguwa xu'utisiiká adór tleemu ngura ístí tsaát.

IIMU/UUNGW 31:22

Alaá deelo tám iwa waaráhh, Labani kuna báy, «Yakobo aa /akuút.»

IIMU/UUNGW 31:23

Labani nee hhaeewós Yakobo nguri eeharahariyé' ay deelo faanqw, ngway gawaá tlom'aá Gileadír i ayé'.

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

IIMU/UUNGW 46:28

Yakobo Yuda guri geerií ya/aáw amór Yosefu, as aako nguwa al'ay nee nguwa geerahari ay yaamaá Gosheni.

2 SAMUELI 24:6

Tari hardáh ay Gileadi, aluuwo ay Kadeshi baraá yaamaá múk Hiti, aluuwo tari hardáh ay Dani, didár Daniro tawa tláy tari harweerín ay Sidoni.

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

2 WAAWITÁ 12:17

Qoomaarihe Hasaeli waawutmoó Aramu gixsár Gati gana i haraatláy nee gari hayóh. Ala Hasaeli iwa kumiít haratleemuwo ay Yerusalemu,

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

FAARO 24:1

Naagáy Bala'amu gari tsaáhh adór AAKOÓ MUNGÚ ngira slaá' múk Israeli nguwa tsuuqi, gawaá adoorihe Bala'amu aa ki/iiká amór qwaslaare iwa isaá artá ay, ala ina qaytsiít baraá xaanxaay.

FAARO 32:1

Múk tlahhoó Reubeni nee oo tlahhoó Gadi a daqaarér hikwa. Inooín kana ár adór yaamaá Yaseri nee Gadi tar yaamaá qawtantá hikwa.

DABE 3:12

«Qoomár yaamuudá' kiwa hayohaán, ina haniís dír tlahhoó Reubeni nee oo Gadi yaamuudaá bihhaá /iikuú wa tlawá' awa Aroeri isaapoó yaaér Arnoni nee tlaqtá yaamaá tlom'i awa Gileadi dinkwa nee gixsaduuwose.

HAR'OHUUSE 10:18

Didaádae múk Israeli nee geeraharuuser'ín tina yaahamiisiyé' tawa kaahi, «Xáy, heé ti geerahaár a heemá bar aga slaqwarár awaán nee múk Amoni? Heé atén taa geerahaar un waawutmoorén wa qaasaán baraakaá Gileadiro.»