IIMU/UUNGW 31:1 - Biblía Axweesantá Hhohho' ar Mungú 2004

¹ Yakobo qununu/oó na/aá Labani guna axaás, tawa kaahi, «Yakobo daqaari'iimár baabuúrén sleémeero gana ar tláy, taa daqaaritiís ar daqaari'iimár baabuúrén.»

IIMU/UUNGW 31:1 Iomraidhean Croise

IIMU/UUNGW 30:43

Adoorihe heewí muruuwós iri ló'wa tlaáhh, nee sagadiyuuseerós nee lawaaleero, nee angamía nee daqwaayerose.

IIMU/UUNGW 31:2

Yakobo gana tsaáhh, adór Labani inós ngur gaárí xuiiká adoodár geeraá wa alé.

IIMU/UUNGW 31:43

Labani Yakobo guri báy, «Dasuuwí a dasuueé', na/iiká' a na/iieé', muruuwí a muruueé', nee tí sleémeero ta ga/eer a te'eé'. Ala aníng laarí dasuueé', nee na/iieene adór ngi laaq?

IIMU/UUNGW 45:13

Kuungá' baabá ku kaangwí beerá' oo xirfuueé' kwí oo baraá yaamaá Misri, nee mura' sleémeero taa aandé'. Gimsé', muutlité', baabuúeé' amoorí huwaare'.»

ESTA 5:11

Hamani giri yaareemaá daqaari'iimarósí alki/iít, nee daaqaywós oo yaariír nee adoodá' waawutmo nguwa uráy haniís, nee nguwa baalírí haniís daanduú geeraharuuse nee sagadiyuusér waawutmoowo.

YOBU 31:31

Sagadiyuusér dooeé' taa qoo kilooín yaahamiskáhe tawa kaahi, ‹Heé guruuwós gwaa dalaa/iiká fu'unaywo a heemá?›

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

WARA'AMI 57:4

Aníng taa harweér nee wakuusér adór direeri, kudá' múk /aa/ayá'. Sihhinaín a adór lawlu nee maheeri, tsifreeri'ín a adór tsatoó xaraásl.

AXWEESANOÓ SAGALOOA 14:30

Muuná burku amohhoó' slaqwa i mét, ala ilatleerír tlakw fadu gin tsutsu'ús.

AXWEESANOÓ SAGALOOA 27:4

Buhhta i xaraasliyá', slaqwara i tsu/út, ala da/i in ak xarásl ta muruuwí sleémeerowo.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

ISAYA 5:14

Gawaá adoorihe gi'i i muk'ín daamarná' ar haayi, afe nga awaatliyé' ay alhhe'eesay. Kudá' ilaiwa/amér koomá' awa múk Yerusalemu, tan baraadá' i dah ar daqooráy, tam nee kudá' sleémeero tí ngi saqwalala/a'a.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

ESEKIELI 16:44

«Aá Yerusalemu, hee barnaxés axweesantá bo/ ngi kah daanduuwoge, in oin, ‹Adór aayo i diri' aqo adór dasiirós i eehat.›

Matayo 4:8

Neetlaangw Yesu guri malé gáwtí tsa/aás gawaá tloomár ló'wa tleer, guri waawuti'iimár yaamií laqán sleémeero, nee xirfuuwose,

1 Timoteo 6:4

heé adoorí i daara/án, nee slám gár i xui i káhh. Heé adoorí gár i slai ka tlaakw, asma inós gár i slai a tlaampa'amisuú axweesani nee kaangaani. Nee muruuwí gár ni huwi a da/i, nee gila, nee daanda axweesani, nee inslawoó tlákw daanduú heewo,

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

1 Petro 1:24

Asma Gooi i kat, «Muu sleémeero a adór gitso, nee hhohhoarir'ín sleémeero a adór /ayór gitso. Gitso in kát, nee /ayo iri páhh.