IIMU/UUNGW 30:39 - Biblía Axweesantá Hhohho' ar Mungú 2004

³⁹ Muruudá' iri tsíh geeraá xwatsoodaá wa alé. Muruudá' na/aá kal'aá koomá' sleémeero giri laqwaál.

IIMU/UUNGW 30:39 Iomraidhean Croise

IIMU/UUNGW 30:38

Xwatsoodaá fiíq giri sihhtís baraá miringamoó tawa wahamamiisi, qoomár muruuduú kilá' niwa hardáh, qoomár niwa wahiyé', tsiihaay ngway slayé'.

IIMU/UUNGW 30:40

Yakobo na/aá bee/aangw giri paraátl, iri oó', «Gitsee/ér mura' sleémeero i amór kudá' kal'aá koomá' i qaytsit.» Umuúqo gadaádá' boo/ baraá muruuduú doó Labaniwo, muruuwós guri paraátl guri sihhtís, gwaa haragaasiiká nee muruú doó Labani.

IIMU/UUNGW 31:38

Aníng nee kuúng aga alhootaán baraá kureeriiká' mibeeri tsare, bee/aangók nee aaraawoge ar gura' gwaa kwahh i káhh, tam án gwaanduwók oo naa /aáy i kaahh baraá daqtoge.

IIMU/UUNGW 31:40

Adoorí an adór nira hoót, tlaatla/aango tsee/amá ina sláqwtí /ón, xweeraawo tsaaqwa ina gu'utér /ít.

IIMU/UUNGW 31:42

Geera bar Munguú baabuúeé', Munguú Abrahamu, Kudá' Isaka i da'ayumiiti, bir barte'eeneeká, geera án kuúng iga gús ar dabaá kaaharen. Ala Mungú slahh'amaayer'eé' nee gadiyér dabaaeé' gaa ár. An gár kuúng Mungú usa iigahhaát xweeraá laarí ni dahhaana.»

IIMU/UUNGW 31:8

Iimír qoomár iwa oó', ‹Muruú tlanqwayén an bu'utuuwók,› muruudá' sleémeero deeloó tlaanqwayén nguna laqwaaliyé', nee qoomár iwa oó', ‹Muruú meehhayén an bu'utuuwók›, muruudá' sleémeero deeloó méhh nguna laqwaaliyé'.