IIMU/UUNGW 30:27 - Biblía Axweesantá Hhohho' ar Mungú 2004

²⁷ Ala Labani iri oó', «Pa/ángw nir ilawaats haniisang. Alaá tsaahha ngiwa sláw, aníng ngiri xuú' adór AAKOÓ MUNGÚ án ira tsuúq as kuúng.»

IIMU/UUNGW 30:27 Iomraidhean Croise

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

IIMU/UUNGW 18:3

Iri oó', «Bariiser'eé', án bar gurtleemu ugwa sláw dír ilaahunge, anuú sagadiyusmoohúng, mi waarahhara'.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 30:30

Qoomár án niwa hardihiiká, daqaari'iimarók ka niina. Hám daxta aa doogiín, nee AAKOÓ MUNGÚ kuúng ugwa tsuúq umuúqo dír naa kawi. Hám daxta a xaylá aníng ti kilooeé' aleeslaw?»

IIMU/UUNGW 33:15

Esau iri oó', «Muu ngu bahh geexáw, oo kuúng u alee/iís.» Yakobo iri oó', «Gár muu i káhh, án kuúng bira sa ya/aán.»

IIMU/UUNGW 34:11

Shekemu baabuú Dina nee hhaeewós giri báy, «Án ya/aamaré', umuúqo gár ni oa'a aníng ngi haniís.

IIMU/UUNGW 44:5

Ahaá, kuungá' a xua'aakáhe adór isaangirí tar isaangír aakooeé' ir wahaahan. Slamí inós isaangirí gan iigu'utúr ar'aa'ar. Aga ló'wa dakusé' adoorí kawa tlehhé'.› »

IIMU/UUNGW 47:25

Tari oó', «Kuúng slafingwrén uga ba/amís. Na'ás, aáko, atén kuúng birta gurtleér, daqaní atén a lawaalér Farao.»

2 SAMUELI 6:11

Sandakmooduú AAKOÓ MUNGÚ ina hoót dír doó Obed-edomu wa ale, heé xoorór Giti har afiqoomár slehheeri tám, AAKOÓ MUNGÚ Obed-edomu guri tsuúq dinkwa nee múk do'ós sleémeero.

1 WAAWITÁ 11:19

Farao Hadadi guri ló'wa slaá'. Gawaá adoorihe guri duuxutís ar hho'ór hareerós. Umuú harér Farao a waawuto'o Tapenesi.

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

NEHEMIA 2:5

Waawutmo nguri báw, «Waawutámo, bara aán i qoón nee anuú sagadiyusmoowók bira gurií bá/, na'ás huwáng ay yaamaá Yuda ay dír gixsadá' /aantaá baabi'iieé' i dirii'iya', as kahhó' ngiwa malé tleehh.»

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

TI'INAANGW 3:21

«Aníng mukwí oo Misri un gur'e wananaeés as kahhó' qoomár bar tlatleerá' tawa dabaá kaaharen ar tleera'aaká.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

ISAYA 61:9

Xwaylar'ín iri iia tleeruúr baraá xoorduuwo, nee na/ii'ín baraá tla/ángw muko sleeme, umuúqo heé inooín gaa ari gari tsaahh, adór inooín tar múk taa tsuúq nee AAKOÓ MUNGÚ.»

ISAYA 65:8

AAKOÓ MUNGÚ i kaahi, «Adoodá' /aroó sabiíbu burkwa sláy tari ooi, ‹Mu hhaamiisaar asma tsuuqa i dayá' baraawose.› Gawaá adoorihe, aníng adoorí kilá' an tleéhh asma sagadiyuuser'eé'. Án inooín sleémeero i baloó qwaareesaaká.

DANIELI 1:9

Naagáy ala Mungú Danieli guri tsuúq, sagesihhtusmoodá' úr oo múk taa karmuumúy iri ya/án.

FAARO 11:11

Naagáy Mose AAKOÓ MUNGÚ guri báy, «Ahaá waáy gár adór tí mas sagadiyusmoowók i tlehhít. Ahaá aníng mis sla'aká, ahaá mustu sla'aatamisiiká nee aníng, ahaá misa huwár iiloóí tsa/ás ar mukók amohhe'eemis?

FAARO 11:15

Ala barnaxes adoorí an adór kuúng ta aníng i tlehhit a tsiní bar iga gás. Ala barnaxés kuúng aníng iga gurií bá/, kaangwí oo slahh'amaaye muwa araa'ár.»

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.

RUTI 2:13

Ruti iri ó', «Aáko, kuúng tu ló'wa hhoó' dir'eene. Asma hhooeemaá naa axwés daanduueene aníng iga ló'wa gurkwa/asiyé', tam handá' aníng adór sagadiyuso'oorók ar wák aga awiikahe.»

1 SAMUELI 16:22

Saulo iri ya/abín amór Yese iri oó', «Na'ás Daudi haniisang, i dír dooeé' wa hooti, gadiyér'eé' ngi wa tleehhi. Asma aníng ugwa waatlakweés.»