IIMU/UUNGW 30:2 - Biblía Axweesantá Hhohho' ar Mungú 2004

² Yakobo Raheli gari i buúhh, gari báy, «Aníng Mungú ina kitaangós wa qaási? Aníng a heé xwaylarók gaa ilaá/i?»

IIMU/UUNGW 30:2 Iomraidhean Croise

IIMU/UUNGW 16:2

Sarai Abramu guna beér, «Ala daxta AAKOÓ MUNGÚ aníng iga xwayla ilaá/ as mawa laqwaál. Alqaaté' nee sagadiyuso'or'eé', doóqa garma u sláw ar inós.» Abramu afór Sarai gari iiárií qaás.

IIMU/UUNGW 20:18

Asma AAKOÓ MUNGÚ /ameena sleémeero ar doó Abimeleki gana xwayla /iít, asma Sara harér Abrahamu.

IIMU/UUNGW 25:21

Rebeka a kaampeeri, gawaá adoorihe Isaka AAKOÓ MUNGÚ guna firiirín. AAKOÓ MUNGÚ firoorós gari ya/án, Rebeka iri tsít.

IIMU/UUNGW 29:31

AAKOÓ MUNGÚ ngiwa ár Lea kawa slaiiká, gari na/ií haniís, ala Raheli na/ii gaa sleeriiká.

IIMU/UUNGW 31:36

Yakobo iri tsatmiít buhhtaawo, Labani guri tlukún guri báy, «Dakuúsar'eé' a milá? Tlakweemaá naa tleéhh a milá ar án kuúng iwa adoorír /amatsegit?

IIMU/UUNGW 50:19

Yosefu giri báy, «Ma da'ayumiitaara'. Ahaá, án a Mungúhe?

2 WAAWITÁ 5:7

Waawutmoó Israeli barwito'oodá' ngiwa soomuús, tlabaawós giri feehhamiís, iri oó', «Ahaá inós ngi xui aníng an Mungúhe, kudaádá' hee gu gaás nee gu slafís, tam waawutmoowuú Aramu niri amor'eéní ya/abín as heewuú tiqtír tsatmit nguwa hungu/uus. Gám ga/aa/awaak heewí i gilaá leeleehhiit dir'eéní aleeró.»

WARA'AMI 113:9

/Ameenír kampeeri do'ose ga ilaiwa/amér ar áy, gari qwal/amaayér i haniis ar na/ii ngiwa laqwal. AAKOÓ MUNGÚ xirfayeemisaak!

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

TI'INAANGW 32:19

Qoomár tawa tseewúy amór xafaay, Mose damaadá' taa tleéhh gari ár, nee ni/imadae, Mose iri daa/atúy buhhtaawo, tlaa/eedá' parereehhayen kudá' hara'aya kay gooín giri yaamií kwaáhh, niri qeqtiné' didár afaá tloomárí ale.

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Marko 3:5

Iri gurhaamuút asma gawdeemaá muner'ín, giri ilií duxún bihhe sleémeero ar buhhta, heedaádá' guri báy, «Dakók gan'aaseek.» Heedaádá' dakós guri gan'aás, dakós iri hunguú/.

Luka 1:42

Iri afór qwal/amaayér ar tsé', iri ó', «Kiíng taa tsuúq baraá /ameenaaro, nee na/oó ta xwayluúr kwaa tsuúq sleeme.

Efeso 4:26

Kuungá' bar aga buhhabuhhé', ti harmagahhe', tlakweema mi tleehhara'. Nee buhhtaasíng mindiwa baraá munerhúng wa kumiitiyé' looa gar wa dát.

1 SAMUELI 1:5

Ala Hana gan qaaqáy sagaáwa tsár, asma Hana gana gurií baá/ tam AAKOÓ MUNGÚ ngaa xwaylár /iti.