IIMU/UUNGW 3:5 - Biblía Axweesantá Hhohho' ar Mungú 2004

⁵ Asma Mungú ga xuu' bál kuungá' mamaá xa'anoowí bira /agé', ilaahúng ki gwa/atis, kuungá' tari adór Mungú tleehhitá', muruú hhó' nee oo tlákw kuwa xua'.»

IIMU/UUNGW 3:5 Iomraidhean Croise

IIMU/UUNGW 2:17

ala mamaá xa'anoó xu'utír muruú hhó' nee oo tlákw, mi /ayaar, asma bál mamaá xa'anoowí bira /ák xueek, a gwá'.»

IIMU/UUNGW 2:9

AAKOÓ Mungú xaa'aá daa'aweemaá dimbadimbé giri baraá hhapér wa titi'iís, xaa'aá hhohho' nee awa /aymár ya/aamá'. Nee baraá tla/ángw asalmoowo Mungú xa'anoó mamuuwós slafíngw hanmiisá' guri qaás. Nee xa'anoó mamuuwós xu'utír muruú hhó' nee oo tlákw laqaaqamá' guri malé qaás.

IIMU/UUNGW 3:10

Heedaádá' iri oó', «Afoorók ana axaás baraá asalmo, aníng niri da'ayuút, asma tawa /aankwets, niri nahhaát.»

IIMU/UUNGW 3:22

AAKOÓ Mungú iri oó', «Ga/aaweek, hee daxta aa adór atén tleehhiít gawaá xu'utír hhooeema nee tlakweemaawo. Ala wané dakose mamaá xa'anoó slafíngw koóm gi taataahh, giri /aay, iri slaaf ay kureeraá kureér.»

IIMU/UUNGW 3:7

Naxés inooín tsaraawo ilaaín kiri gwa/atís, tiri tsaahhiyé' adór inooín tar /aankwets. Loo/ór puunganí kari hiriít tlabaá wa alé.

1 WAAWITÁ 22:6

Ahabu aaruuse gari burumbuúr, aaruusér tsiire tsiiyáhh, gari yaahaás, «Xaysé' aníng a haraatláwa Ramot-gileadi, laqaá daqawká?» Inooín tari oó', «Haraatláw, AAKOÓ MUNGÚ kuúng u baalírí haniis.»

2 QOM'I 32:15

Gawaá adoorihe Hesekia mu aleeya/aa/amaara' nuwa al/agin, nee nuwa qwaareemisi ar axweesanaysíng, sleeme mu haratlintatiaara'. Asma mungú tumu xooro gaalá, laqaá tumu waawuti'iima gaalahe, oo mukós gwaa aleeslay ba/amisaro i kaahh gawaá dabaaeene, nee gawaá dabaá baabi'iieene. Ala an qo Munguúhúng kwisinge oo kuungá' nu ba/amís gawaá dabaaeene!› »

WARA'AMI 12:4

kudá' kaahá', «Atén arba/ati a slawaán ar axweesantarén. Afeerén tin alee/ís, heé ti arbaá/ a heemá?»

TI'INAANGW 20:7

«Umuú AAKOÓ MUNGÚ, Munguúwók, mu tawo axweesaar, asma AAKOÓ MUNGÚ heé umuuwós gu tawo axweés gu gan'amií harafaariiká.

TI'INAANGW 5:2

Ala waawutmo Farao iri oó', «AAKOÓ MUNGÚ a heemá tam inós nguwa iiárií qaas, nee múk Israeli nguwa geemaw? Aníng AAKOÓ MUNGÚ u xuaaká, nee sleeme múk Israeli u geemawaaká.»

ISAYA 14:14

Aníng an tsa/ám gawa, huunkáy nguri baá/, aníng tari slaqás nee Munguúdá' gáwtí dirií'.›

ESEKIELI 13:22

«Kuungá' múk hota ganaá' ugwa daba' tlaqé' ar lameemoohúng, oo aníng naa diqiya' tsatiiká, nee múk tlákw kuri /uurií hanisé', tlakweema tlehhtuuwo tari kumiít, nee slafingw'ín kuri ba/amisiiká.

ESEKIELI 28:12

«Heewí, tsuunqumiís daanduú waawutmoó múk Tirowo. Ku beer, Aakoó MUNGÚ i kaahi, Kuúng aáng a slaqsoó ganaá', sagalooaro a háts, nee tu ló'wa hhoohhoó'.

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

ESEKIELI 28:9

Xáy, kuúng aqo kumíta tawa kat, ‹Aníng a mungú,› dír geeraá mukdá' kuúng u gaamisa? Kuúng tin tsáhh adór tar hee, ala a munguheeká dír geeraá mukdá' kuúng u tlaqmiisa'a.

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

DANIELI 6:7

Ateékaá geeraharuusér uren taa qás, nee sagesihhtuusero, nee ga/aawuuse, nee hara'ayuusero nee geeraharuusér ayeemowo, sleémeero taa kaahi slawaán, asma aga araán i qoón kuúngú waawutmo, hara'aya kawa o' nee masók aqo kan eehar adoodá' kas hariím. Masók har afiqoomár deelór mibeeraá tame, hee tam gaalá gaa mingiwa firín, tam dír mungú gaalá, laqaá tam dír heemá, ala masók aqo dirók kuúngú waawutmo. Hee barnaxes hara'ayaarí gaa sií' ku kwahhi baraá mar'ír direeri.

Matayo 6:23

Ala bar iltók ka tlaakw, slaqwtók sleémeero i gíp. Ala gwa/aateemaadá' baraawók i diriiá' bir giwiyá', gaasíng a umuú giwtirooká.»

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 13:4

Dayshamoodá' úr kuri sluufmiís asma adoodá' makiito'oodá' ngiwa aleesleemuú i haniís. Makiito'oodá' sleeme kari sluufmiís, tari káh, «Heé slaqás nee makiito'oorí a heemá? Nee slám heé makiito'oorí ga aleesláw slaqwaraaro a heemá?»

HAR'OHUUSE 3:2

Adoorí gana tleéhh as kahhó' umuúqo qartá hi'iita ar múk Israeli slaqwara ngiwa intsahh, ak aleeró kudá' slaqwara ngi geerií xua'aaká.