IIMU/UUNGW 3:24 - Biblía Axweesantá Hhohho' ar Mungú 2004

²⁴ AAKOÓ Mungú hee guri guús baraá asalmoodae, keruúbi gari qaás bihhaá da/aáw awa asalmoó Edeni. Paángár asla ar war'eeliim amorqá' nee amqae gari qaás, asma loohidá' amór xa'anoó slafíngw kaw kawa xun.

IIMU/UUNGW 3:24 Iomraidhean Croise

IIMU/UUNGW 3:23

Naagáy AAKOÓ Mungú giri duúx baraá asalmooduú Edeniro, as yaamu ngiwa doosli, kudá' hhaper'ín inós kura tleéhh.

IIMU/UUNGW 4:1

Adam nee hareerós Hawa tari alqaát, inós iri tsít, Kaini guri xwayluúr, iri ó', «Na/oó garma ugwa sláw ar alee/isoó AAKOÓ MUNGÚ.»

IIMU/UUNGW 4:14

Ga/aaweek, laarí iga gús baraá yaamukae, slám iga gús amór saáwí alé dír geeraawoge. Aníng a heé tawó hi'imaamiít, oo doó koomaaká baraakaá yaamuwo, slám umuúqo heé i ara aqo in gaas.»

WARA'AMI 104:4

Fur'a an ya/abusmoowók tléhh. Asla nee tsaangose an sagadiyuuseerók.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

TI'INAANGW 25:2

«Múk Israeli ku beer, ‹Ohme oohare' as aníng.› Kuúng kitangw'eé' wa ooheek dír umuúqo heewo ar adoodá' baraá muunaáwose ngira slaá' haniisaro.

ESEKIELI 10:1

Aluuwo niwa gawaá doorií qaytsiít, gawaá sagér hhampe'eeraá keruúbi, gár sir/awaak ar slaqmís tlehhemko nee kitángw waawuti'iima ana ár.

ESEKIELI 31:11

Aníng a haniís gawaá dabaá geeraharusmoó xoordu. Inós ga sakwasleemuut, ngiri amór saáw i kwaáhh har qoomoó tlakweemaawós.

FAARO 22:23

Naagáy daqwaay malaykamooduú AAKOÓ MUNGÚ guri ár aa sihhiít baraá loohi, paánga gaa duúx baraá tlakwaywose, gaa dákwí óh. Daqwaay iri paásl baraá loohidae. Bala'amu daqwaydá' guri slaáhh as nguwa ki/isi baraá loohi.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Ebrania 1:7

Nee daanduú malaykeero i kaahi, «Malaykeerós gaa tleéhh ar adór fur'a, nee sagadiyuuseerós ar adór tsángw asla.»

YOSHUA 5:13

Looarka wake Yoshua iiwa isaapoó gixsár Yeriko, Yoshua heé símér koóm gway ár i geeraawós wa sihhmiit. Yoshua iri amoorós i hi'iít guri báy, «Xáy, kuúng a bartá slaqwaruusér ayaaréne laqaá bartá wakaruuseerén?»

1 SAMUELI 4:4

Naagáy muu kuri ya/aáw ay Shilo, sandakmooduú alqadór AAKOÓ MUNGÚ Aleesleemusmo kunguri huúw, Munguúdá' hotaawós gáwtií diriiá' dír keruúbiro. Daaqaydá' tsár oo Eli, Hofni nee Finehasiwo, ta baraadií dirii' dinkwa nee sandakmoduú alqadór MUNGUHE.