IIMU/UUNGW 3:19 - Biblía Axweesantá Hhohho' ar Mungú 2004

¹⁹ Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

IIMU/UUNGW 3:19 Iomraidhean Croise

IIMU/UUNGW 18:27

Abrahamu iri ilawaáts, iri oó', «Aga qo qiítl nee Aako tawa axweesaan, aníng aqo adór teeri nee da/ara.

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

IIMU/UUNGW 23:4

«Án niwa hoót a adór dahaaymo nee /eetusmo baraá tla/angwhunge. Yaamaá niina dir'eé' weerisaare', awa muk'eé' nguy foliit, as dír tuuár harer'eé' ngi fool ngiwa slaw.»

IIMU/UUNGW 3:18

Gár yaamu ni kuúngí duuxiya' a fuquráy nee laqaya', nee kuúng muruú /aymaarók un baraá yaamuú wa sleér.

IIMU/UUNGW 5:5

Kureeraá Adam aa hoót a tsiire gwaleél nee mibeeraá tám, inós iri gwaá'.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 10:9

Inslawiím, kuúng aníng ina tléhh ar hhape, hám daxta in male ki/ísa baraá hhape?

YOBU 19:26

Nee alaá kaahartaeé' kawa adoorír hhitín, anínguú kilá' ar ilaaeene Mungú un ár.

YOBU 21:26

Tam adoorihe sleémeero qatlooro a wak, sleémeero naanaga gin eér.

YOBU 34:15

makaay sleémeero aqo nin qwaariyá', hee iri kii/ baraá hhape.

YOBU 4:19

Ala daxta dír heé taa tleehhi ar baa/í mi máy, Inooín dír kiwa iihhaáf a baraá baa/í, Múk naanaga iqo hifuur.

WARA'AMI 103:14

Asma inós ga xuu' adór atén ti diriiaan, nee ga insláy adór atén tar teerír tawo.

WARA'AMI 104:23

An qoomár hee niwa tlay iri gadiyeérós áy, iri gadiyumamiis ay tsiindo.

WARA'AMI 104:29

Bira alaá xu'ús nin deewaiyá'. Hiinsluuín bura hiingés, tan qaatl, tay kii/ baraá hhapeedá' i dahhiya'.

WARA'AMI 127:2

Gadiyérhúng a tawo kuungásingá' tseewa tlaatlawá' qatuuwo tari tligá' qata eemuuwo, nee muruú /aymár slahh'amaaye kuri /agá'. Asma Mungú mulqumoowós gun muruuwós i haniis tam i gui.

WARA'AMI 22:15

Hheehhar'eé' ina kát adór qambeesamo, tsifrangw'eé' aa nag'aát baraá xaanxardu. Kuúng án iga meér adór tuuár baraá teeri.

WARA'AMI 22:29

Múk daara/uuse sleémeero baraakaá yaamuwo i tumbarara'aat dír geeraawós, tam kudá' sleémeero qatlá' nee kudá' slafingw'ín /iisaro ngu aleeslawa'aaká, ta tumbarara'aat dirós.

WARA'AMI 90:3

Hee un ki/ís baraá hhapeérií alé, bara ó', «Kuungá' muu, ki/é' baraá hhape amoodá' ta dahha'.»

AXWEESANOÓ SAGALOOA 21:16

Heé tsaahhár koomaaká, in hungu/uus baraá tla/ángw tu'u.

DAHARUSMO 1:13

Aníng baraá inslaway'eene mura' sleémeero oo ta tlehhiiti baraá daanduú yaamuwo una alqaytsiít, ngiri aldaákw ar sagalooa. Naxés Mungú wayaqamuú yaariír guna haniís dír muu, as inooín tawa hooti ar wayaqamu.

DAHARUSMO 1:3

Xáy, hee slaasláwár i slay a milá, baraá gadiyeeduwós kudá' sleémeero i tlehhaahhiti baraá daanduú yaamuwo?

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

DAHARUSMO 3:20

Inooín sleémeero amór ta kay a wak. Inooín sleémeero dír i dahhiya' a baraá hhape, nee inooín tan kii/ baraá hhape.

DAHARUSMO 5:15

Hee adoodá' kura laqwaál ir tlabaá konká aqo adoodá' ganar kii/, gár i huwi i káhh tam ar wák baraá muruudá' aa tleehhi.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

1 Korinto 15:47

Heé geera dír i dahhi a baraá yaamu, gár kura tleéhh a hhape. Ala heé tsár dír i dahhi a gawaá doori.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

1 Tesalonike 2:9

Hháe, án ngi slaá' kuungá' a insleerá' adór atén gadiyeé kara tleehhaán ar ilakaahara. Asma qoomár atén Ya/abtór hho' kawa alki/iitaán dirhúng i ale, atén an gadiyuumaamisaán tlaatla/aangw nee xweeraawo, as umuúqo heewo dirhunge muwa diitsakwaár ar awaán.

2 Tesalonike 3:10

Qoomár atén tawa dinkwa nee kuungá' nuna bawaán, «Heé gadiyér sla'aaká, miwa /ayín.»

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.